Ma laga yaabaa in Rooble siddii siyaasyiintii Hawiye ee ka horaysay uu Inqilaabo madaxweyne Farmaajo

Dastuurka ay maanta Soomaalida haystaan ma jiro qodob qoraya reer hebel xilkaas ayuu leeyahay, sidaas si la mid ahna ma jiro xeer ay beeluhu wada samaysteen ama ay ku heshiiyeen in xilkaas maahee ayna xilka qaban karin. Hase ahaatee waxa jira is afgarad inta badan ay Soomaalidu ku qanacsan tahay oo in muddo ahba lagu soo dhaqmaayey.

Burburkii ka dib, waxa markii ugu horaysay sheegtay inuu Soomaaliya madaxwweyne ka yahay Allaha u wada naxariistee intii dhimatay Maxamed Farax Caydiid, oo ka soo jeeda beesha Hawiye wuxuu Raisul wasaare u magcaabay Maxamuud Xaji aadan oo ka soo jeeda beesha Ciise Majeerteen , waa la eryey.

Waxa ku xigay Heshiiskii Carta ee Cabdi Qaasim, ee ka soo jeeday beesha Hawiye wuxuu Raisul wasaare u doortay RW Cali Khaliif iyo Xasan Abshir oo ka soo kala jeeday beelaha Dhulbahante iyo Majeerteen. Waa la eryey.

Waxa la doortay Cabdulaahi Yuusuf oo ka soo jeeda beesha Majeerteen, waxa uu u magcaabay RW Nuur cade, oo ka soo jeeday beesha Hawiye . Waxay noqotay markii ugu horaysay in Raisul wasaarihii oo ka soo jeeda Beesha Hawiye uu inqilaabo madaxweynihii Daarood

Waxa ku xigay madaxweyne Shariif oo ka soo jeeda beesha Hawye, wuxuu magcaabay RW Farmaajo. Isagana shaqada waa waa laga eryey

Waxa ku xigay madaxweyne Xasan Sheekh oo ka soo jeeday beesha Hawiye, wuxuu magcaabay RW Saacid Shirdoon iyo RW Cabdiweli Sheekh oo ka soo jeeday beesha Daarood. Labadaba Mooshino ayaa laga keenay.

Ugu danbayntii waxa hadda Soomaaliya madaxweyne ka ah Madaxweyne Daarood ah, waxaana laga cabsi qabaa in Raisul wasaarihiisa oo ka soo jeeda beesha Hawiye uu inqilaabo siddii horay u dhacday. RW Rooble dhowr mar oo hore ayuu isku dayey Inqilaabka ee waxaan la garanayn in Madaxweyne Farmaajo uu marin doono halkii ay mareen Cali Khaliif Galaydh, Xasan Abshir Faarax.Maxamed Cabdi Yuusuf,Madaxweyne Cabdulaahi Yuusuf, Cumar C/rashiid Cali, Maxamed C/laahi Farmaajo. C/weli Maxamed Cali Gaas, Cabdulqadir Farax Shirdoon, Cabdiweli Sheekh.

Inta badan waa laga baaqsan lahaa bahdilkan n ku dhacayey siyaasiyiinta Daarood ee u badan beesha Majeerteen, haddii maamulka Puntland lagu maamuli lahaa siddii loogu talo galay, haddii ay noqon lahayd la xaalka Federaalka ama caddalada Bulshada reer Puntland.

ALLSANAAG.COM

Gudoomiyaha cusub ee degmada Ceerigaabo ee gobolka Sanaag Faarax Maxamuud, oo ka soo jeeda Beesha Warsangeli ayaa digniin u diray Saraakiil SNM ah oo horay xasuuq uga gaystay gobolka Sanaag oo hadda sheeganaya inay yihiin Isimo oo welina hogaaminya Maleeshiyaadka SNM sida ina Xuseen Xasan iyo Faray

Golaha loo dhan yahay ee Qaramada Midoobay ayaa ka joojiyay Ruushka xubinimadii golaha xuquuqul insaanka ee Qaramada Midoobay ( UN’s Human Rights Council (UNHRC), sababo la xiriira Warbixinada ku saabsan xaquuqda bani aadamka oo Ruushku ka xadgubayo dalka Ukrain ee uu ku soo duulay.

Mooshinka oo Qaramada midoobey ay hor keentay safiirka Maraykanka Linda Thomas-Greenfield ayaa waxa ka codeeyey Ruushka 93: waxa ka aamusay 58: waxa diiday : 24 in favor: 93 Abstained: 58 Against: 24

Wadamada diiday in Ruushka la buriyo

Jubbaland oo taageertay go’aankii uu RW Rooble ku caydhiyey wakiilka Midawga Afrika

Dawlad goboleedka Jubbaland ayaa taageertay go’aankii ra’iisal wasaare Maxamed Xuseen Rooble uu dalka uga caydhiyey wakiilka Midawga Afrika ee Soomaaliya Danjire Francisco Madeira, inkasta oo madaxweynaha Soomaaliya Maxamed Cabdullaahi Farmaajo uu ka horyimi go’aanka ra’iisal wasaaraha.

Halkan hoose ka akhriso warsaxaafadeedka ka soo baxay xafiiska madaxtooyada ee Jubbaland.

“Dowlada Jubaland waxay soo dhawaynaysaa go’aanka masiiriga ah ee Xukuumada Federaalka ah ee Soomaaliya ay ka gaartay Danjirahii hore ee Midowga Afrika Francisco Madeira, oo dalka laga caydhiyay kadib markii uu ku xadgudbay arimaha gudaha ee dalkeena taas oo xad gudub ku ah xeerarka Caalamiga ah ee diblomaasiyada kana baxsan shaqadii loo igmaday.

Inta uu madaxa ka ahaa howlgalka midowga afrika ee AMISOM Madeira, waxaa uu si dulaalnimo ah uga dhex shaqaynayay siyaasada gudaha ee dalkeena isagoo ku milmay xadhig jiidka siyaasada ee ka dhexeeya dadka Soomaaliyeed.

Sidoo kale Francisco Madeira, waxaa uu qeyb ka ahaa duulaankii qaawana ee Madaxweynaha Xiligiisu dhamaaday uu kusoo qaaday Jubaland sidoo kale waxaa uu ka horyimid heshiiskii Dowlada Jubaland iyo siyaasyiintii tabashada ka qabay Doorashooyinka 2019ka ee Jubaland si qulqulatooyinka iyo kala aragti duwanaanta dadka ree Jubaland aan xal looga gaarin.

Sidoo kale waxaa uu in mudo ah ka caga jiidayay howlgalada ay qaadi jireen Ciidamada AMISOM isagoo meelo badan oo dalka kamid ahna ka saaray Ciidamadii joogay si ay dib ugu qabsadaan kooxaha argagixisada ah.

Ra’iisul Wasaaraha Xukuumada Federaalka ah Mudane Maxamed Xuseen Rooble ayaa wakiil uga ah shacabka Soomaaliyeed hirgalinta himilooyinka iyo danaha Ummada inta lagu guda jiro xiligan kala guurka ah.” ayaa lagu sheegay warsaxaafadeedka ka soo baxay madaxtooyada Jubaland.