uddoomiyaha Golaha Wakiillada Dowladda Puntland Mudane, Cabdirashid Yusuf Jibril oo ay wehliyaan Guddoomiye ku xigeenka 1aad iyo Guddoomiye ku xigeenka 2aad Mudane, Ismaaciil Maxamed Warsame, Xildhibaano iyo Wasiiro ayaa Garoonka diyaaradaha ee Garoowe ku soo dhaweeyay Ra’isul wasaarihii hore ee JFS Mudane, Cumar Cabdirashiid Cali Sharmaarke, Madaxweynihii hore DPL Mudane, Cabdiwali Maxamed Cali Gaas, Madaxweynihii hore ee DPL Mudane, Cabdiraxmaan Maxamed Faroole, Siyaasi Maxamuud Khaliif Xassan ( Jabiye) iyo Wefdi ay hoggaaminayaan oo dalka u yimi xal u helida shaqaaqadii ka dhacday

Ma saxbaa sawirka laga bixinayo dagaalkii ka dhacay magaalada Boosaaso?

Dagaalkii maalmihii ina soo dhaafay ka socday magaalada Boosaaso ee xarunta goboolka Bari. ee sababtiisu ahayd agaasimihii haystay ha’yadda lacagta badan ee la dagaalanka argagixisada, laguna magcaabo maxamuud Diyaano, oo ay xilkaas uga horeeyeen walaalkiis iyo aabihiis, ayaa siddii uu ku bilaabmay si ka duwan la doonayaa in laga dhigo.

Dagaalkii la ogaa siduu ku bilowday , oo intaanu dhicin ay Isimada beesha Majeerteen go’aaamiyeen in gaadiidkii iyo Guryihii lagu helay magaca la dagaalanka argagixisada buuraha Cal madow lagu wareejiyo Hooyo iyo labadeeda wiil ee ha’yadaas madaxda ka ahaa, halkii dadkii horay uga barakacay Buuraha Cal madow ay weli dul saaran yihin Bulsho kale oo dhaqale ahaan aan wax badan ku dhaamin.

Arintan ay ku kaceen taliyaha amar diidka sameeyey iyo Ismadda xaq darada iyo qabyaaladda ku naas nuujiyey wiilkooda , waxa ka sii daran oo ay hadda soo wadaan Siyaasiyiintii Puntland iyo fedraalka madaxda ka soo noqday ayaa ah mid ka sii daran tii hore.

Siyaasiyiintan u badan beesha Majeerteen, ayaa dagaalkii ka dhacay Boosaaso oo khasaaraha gaystay dad badana ay ku naf waayeen, hanti ku luntay halka qaar kalena ay ka barakaceen magaaladoodii Boosaaso , dhamaantoodna ay ka soo jeedaan Beelaha Soomaaliya oo dhan, ayaa hadda waxay ka dhigayaan in dagaalkaasi u dhaxeeyey beesha Majeerteen Xalkuna yahay in beesha Majeerteen dhexdooda ka dhamaystaan, oo wixii la kala tabanayo iyo wixii laysa siinayo ay gaar ugu ahaato iyaga.

Siyaasiyiintan waa kuwii horay wax u kharibay oo markii ay madaxda ahaayeen halkii ay wax fiican iyo wax qabad samayn lahaayeen sida : nidaam dawlad oo wanaagsan , caddalad, wax wada qaybsi sax ah ka doortay Eex, musuqmaasaq, Beel jeclaysi, dhac iyo boob hanti dadweyne ayaa hadda u arka haddii ay arintan ka dhigaan Majeerteen is haya oo heshiinaya inay tahay fursad ay mar kale saaxadda siyaasadda ugu soo laaban karaan .

Dagaalkii Boosaaso ka dhacay ma ahayn dagaal beeleed, mana ahayn mid ay beel gaar ah ay ku dhibaatootay ama lagu barakiciyey ee waxa uu ahaa agaasime xilka laga qaaday oo diiday amarkiii madaxwynaha Puntland oo ay doorteen beelihii Puntland wada samaystay, sidaas awgeed waa sharci daro iyo dhiiro gelin caruurta kale ee Majeerteen ee hadda xilalka sadbursiga ku fadhiya inay aaminaan inaan xilka laga qaadi kari. Taliyaha Xilka laga qaaday oo ka soo jeeday beesha Cismaan Maxamuud, waxa lagu bedelay miid kale oo Cismaan Maxamuud ah oo markii Cumar Cabdirashiid Ra’isul wasaaraha ahaa uu u magcaabay Taliye Federaal ah.

Ugu danbayntii waa adag tahay in Puntland ay sii jirto haddii ay beel gaar ah ay sidan ugu afduuban tahay oo maanta la joogo in Magaalada Boosaaso loo burburiyo, dadkeediina loo Barakiciyo Xil labo wiil oo ilmo adeer ah laysku bedelay, halka wiilashii kale ee reer Puntland ay daawanayaan, siyiisiyiintii metalaysana ay marti isu arkaan

ALLSANAAG.COM

Hoos ka akhriso mashruuca la dagaalanka argagixisnimada musuqmaasaq uu ku bilowday ilaa hadda uu agaasimuhu diiday inuu xilka ka dego