17th January 2022  admin  Category :

Madaxweyne Farmaajo Darajooyinkii ayuu ka xayuu biyey, halka gudoomiyihiin baarlamaanku uu la taliye ka dhigtay Alshabaab hore

Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa ka dhigay dhammaan darajooyinkii ciidan, kana ruqseeyay hay’adda Nabad Sugidda iyo Sirdoonka Qaranka Sarreeye Guuto Cabdalla Cabdalla Maxamed keddib soojeedin ka timid Agaasimaha Guud ee Hay’adda Nabad Sugidda iyo Sirdoonka Qaranka.

Warqadda soojeedinta ah oo Madaxweynaha kasoo gaartay Xafiiska Agaasimaha Guud ee Hay’adda Mudane Xuseen Cismaan Xuseen ee loo cuskaday go’aankan ayaa lagu caddeeyay in sarkaalkan uusan kasii mid ahaan karin hay’adda iyada oo la tix raacayo go’aankii ay gaareen guddiga anshaxa.

“Sarreeye Guuto Cabdalla Cabdalla Maxamed waxaa laga dhigay dhammaan darajooyinkii ciidaan, isla markaana waxaa laga ruqseeyay hay’adda nabad sugidda iyo sirdoonka qaranka Soomaliyeed sababo la xiriira xadgudub sharciga ciidamada qalabka sida iyo xeer hoosaadka Hay’adda Nabad Sugidda iyo Sirdoonka Qaranka.” Ayaa lagu sheegay wareegtada.

Xeerkan Madaxweyne ayaa dhaqan galay Sabti, 8da bishan Sebteembar, 2018 oo ah marka uu saxiixay Madaxweynaha Jamhuuriyadda Federaalka Soomaaliya.

Haddii Farmaajo ku eryey “aniga ayaa adeerkaa ah”

 

9th September 2018  admin  Category :

Sarkaal ka mid ahaa Sfaaradda Soomaalida ee Turkiga, markii danbe noqda Taliye ku xigeen, lana soo shaqeeyey gudoomiyha baarlmaanka oo aan horay maqaalo badan uga soo qoran inuu ka mid yahay argagixisada ayaa maxkamad lagu soo saarayaa denbiyo uu gaystay. Taliyahan ayaan xilka dawladda federaalka intaan loo magcaabin ka tirsanaa Ururka dadqalatooyinka ee alshabaab, isaga oo lagu magcaabi jiray Abu jihaad

Image result for Jaamac Abu-Jihaad

Image result for Jaamac Abu-Jihaad

Taliye ku xigeenkii NISA Cabdulqaadir Maxamed Nuur Jaamac oo dhawaan shaqo joojin lagu sameeyay in uu ku jiro saraakiil lagu eedeeyay fududeynta weeraro kooxda al shabaab ay ka geysteen magaalada Muqdisho, Gaar ahaana wasaaradda Arrimaha Gudaha iyo koontaroolka Ceel-Gaab oo laga ilaaliyo Xarunta Madaxtooyada Villa Soomaaliya.

Xog ay heshay Caasimada Online ayey ku ogaatay in galdacwadeed kiiskaasi la xiriira loo gudbiyay Maxkamadda Ciidamada Qalabka Sidda Ee Soomaaliya oo Su’aalo Lagu Weydiinayo G/Sare Cabdulqaadir Maxamed Nuur, iyadoo sidoo kale baartiaanada Kiiskaan ay ka qeybqaadaneyso hay’adda dambibaarista ciidamada Booliska Soomaaliyeed ee CID.

Gaashaanle Sare Cabdulqaadir Maxamed Nuur ayaa lagu eedeeyey  in Amarkiisa lagu soo daayay Maleeshiyadkii hubeysnaa ee Al Shabaab ee weerartay 07 July weeraray dhismaha Oto Oto oo ay ku shaqeeyaan wasaaradaha Amniga iyo Arrimaha Gudaha, kuwaas oo watay laba gaari oo qaraxyo ku raranyihiin, sida ay sheegeen saraakiisha loo xirxiray arrintaas oo wali baaritaankoodu socdo.

Agaasimaha Hay’adda Sirdoonka iyo Nabadsugidda Qaranka Xuseen Cusmaan Xuseen shaqada ka joojiyay G/Sare Cabdulqaadir Maxamed Nuur Jaamac oo ahaa taliye ku xigeenka Hay’adda NISA, waxaana hadda socoto baaris kiiskaasi la xiriirto.

Sidoo kale Jaamac ayaa lagu eedeeyey dacwad laga gudbiyey inuu fududeeyay weeraro iyo dilal kala duwan oo lagu dilay odayaal dhaqameedyo iyo dhallinyaro u shaqeynjiray dowladda Soomaaliya, iyadoo mudadii 6 bil ee uu ahaa ku simaha Taliyaha NISA uu sheegay in magaalada Muqdisho uusan ka dhicin hal Qarax taasoo dadka arrimaha Ammaanka Falaanqeeya su’aalo badan ay iska weydiinayeen.

Dowladda Soomaaliya ayaa diyaarineyso qaabkii maxkamad loo soo tagi Cabdulqaadir Maxamed Nuur Jaamac iyo saraakiisha kale ee lagu eedeeyey inuu ka qeybqaadatay fududeynta weerarada Argagixiso ee maalin kasta lagu laayo maatida Soomaaliyeed sida lagu qoray dacawadda laga gudbiyey.

 

http://shacabkamedia.com/story/13702

http://shacabkamedia.com/story/10104

Leave a Reply

Your email address will not be published. Required fields are marked *

*