Guddiga doorashooyinka heer Federaal ee FEIT ayaa guda-galay u diyaar garowga munaasabadda dhaarinta xildhibaanada labada Aqal ee baarlamaanka 11-aad.

Guddiga aya

a maanta sii xoojiyey fariintiisa ah in Khamiista soo socota ee 14-ka April 2022 ay teendhada Afisyooni ka dhici doonto dhaarinta xildhibaanada.

Xildhibaanada ayaa lagu war geliyey in Khamiista todobaadkaan 10:00 AM barqanimo ay hoolka Afisyooni soo xaadiraan, xilli ay shahaadooyinka qaateen in ka badan 200 oo xildhibaan.

Maanta oo ugu dambeysay laba xildhibaan oo kala ah guddoomiyaha gobolka Mudug ee Puntland Xildhibaan Cabdiladiif Sanyare iyo Xildhibaan Faadumo Ismaaciil ayaa qaatay shahaadooyinka xubinimada.

Guddiga Doorashooyinka oo fariin u diray xildhibaanada BFS.

Guddiga doorashooyinka Heer Federaal ayaa xildhibaanada Shahaadada qaatay usoo diray fariin ku aadan xiliga Dhaarinta xildhibaanada cusub ee Baarlamaaka Federaalka ah ee Soomaaliya.

Guddiga ayaa markale  Shaaciyey in Maalinta Khamiista ah ee 14 bishaan ay noqon doonto maalinta dhaarinta Xildhibaanada cusub ee Baarlamaanka Federaalka ah ee Soomaaliya.

Guddiga ayaa xildhibaanada ka codsaday in ay waqtiga ilaaliyaan isla , ayagoo ka codsaday Xildhibaanada Dowladda Federaalka ah ee Soomaaliya in ay hoolka yimaadaan 10:00 Subaxnimo.

Maanta oo bishu tahay, April 11, 2022, Muqdisho waxa looga dhawaaqay warbaahin ay dumar madax ka yihiin shaqaaluhuna wada dumar yihiin. Kooxdan magacoodu waa ” Bilan”. Warbaahintoodu waxay isugu jirtaa Idaacad, Talafishan iyo Onlilne

Bilan’ sida ay sheegeen waxay siin doontaa haweenka meel ammaan ah oo ay ku shaqeeyaan iyo awood ay ku dooran karaan waxay soo tebiyaan iyo sida ay u tebiyaan, iyadoo kooxdu ay dabooli doonto warar adag iyo sheekooyin qotodheer, oo diiradda saaraya arrimaha muhiimka u ah dumarka.
“Iyada oo leh aragtideeda gaarka ah iyo galaangal u helidda nolosha haweenka iyo ra’yiga, ‘Bilan’ waxa ay hiigsaneysaa in ay abuurto hannaan cusub oo aan ku koobneyn oo kaliya haweenka saxafiyiinta ah, laakiin sidoo kale ay ka faa’iidaysanayaan saxafiyiinta Soomaaliyeed, bidhaaminta sheekooyinka – laga soo bilaabo rabshadaha qoyska ilaa ka hadalka sinnaan la’aanta – oo muddo dheer la iska indho-tirayey.
Iyadoo ay taageerto hay’adda UNDP” ayey sii raaciyeen warbaahinta Billan