Cadaymaha Cusbitaalo SIsaaqlandKu Yaala Oo Argagaxisada Daacish Qaybta Daweynta iyo Caafimaadka u Qaabilsanaa

Baabuur la jiirsiiyey dad isugu soo baxay Mannheim, Jarmalka

Baabuur lagu jiiray dad ku sugnaa magaalada galbeedka Jarmalka ee Mannheim Isniinta maanta ah, ayaa sababtay dhimashada ugu yaraan hal qof iyo dhaawaca tiro kale.

Dhacdadan ayaa saameyn ku yeelatay dabaaldegyada carnival-ka ee gobolka, halkaasi oo boolisku horey uga feejignaayeen suurtagalnimada weerarro amni darro.

Afhayeen u hadlay booliska ayaa sheegay in darawalkii baabuurka la qabtay, balse aysan caddayn in ay jiraan tuhmanayaal kale. Booliska ayaa shacabka ugu baaqay in ay ka fogaadaan bartamaha magaalada.

Goobjooge la hadlay Reuters ayaa sheegay in dad dhowr ah ay dhulka jiifeen, iyadoo ugu yaraan laba qof lagu dadaalayay in la badbaadiyo.

Wargeyska Bild, oo soo xiganaya ilo dhanka ammaanka ah, ayaa sheegay in laba qof ay dhinteen, halka 25 kalena ay dhaawacmeen.

Weli lama xaqiijin in darawalku si kas ah u beegsaday dadka iyo in dhacdadani xiriir la leedahay dabaaldegyada carnival-ka Jarmalka, kuwaasoo si rasmi ah u dhammaanaya Isniinta loo yaqaan Rose Monday. Mannheim, si kastaba ha ahaatee, waxay munaasabaddeeda ugu weyn qabatay Axaddii.

Sida laga soo xigtay warbaahinta Mannheim24, baabuur madow oo xawaare sare ku socda ayaa si toos ah u jiiray koox dad ah, isagoo ka yimid fagaaraha Paradeplatz, kuna jihaysnaa taallada biyaha ee calaamadda u ah magaalada.

Dhacdadan ayaa sare u qaaday walaaca laga qabo ammaanka Jarmalka, maadaama ay kusoo beegantay xilli weerarro rabshado wata ay dalka ka dhaceen toddobaadyadii lasoo dhaafay.

Weerarro baabuur lagu jiiray dad ayaa ka dhacay Magdeburg bishii December iyo Munich bishii hore, halka Mannheim ay horey uga dhacday toogasho bishii May 2024.

Booliska ayaa si gaar ah u adkeeyay ammaanka dabaaldegyada carnival-ka sannadkan, kadib markii akoonnada baraha bulshada ee lala xiriirinayo kooxda Daacish ay ku baaqeen weerarro ka dhan ah munaasabadaha carnival-ka ee magaalooyinka Cologne iyo Nuremberg.

Wasiirka Arrimaha Gudaha ee Jarmalka, Nancy Faeser, ayaa joojisay ka qeyb-galkeedii carnival-ka Cologne Isniintii, oo ah kan ugu weyn Jarmalka, sababo la xiriira dhacdadii Mannheim, sida uu sheegay afhayeen u hadlay wasaaradda.

Rose Monday, oo ah kulamada ugu dambeysa ee xilliga carnival-ka sannadlaha ah, ayaa si weyn looga xusaa gobollada galbeed iyo koonfurta Jarmalka ee intooda badan Katoolig ah.

Munaasabaddan waxaa lagu xusaa socod ay ku jiraan gawaari waaweyn oo xambaarsan sawirro qosol leh ama kaftan siyaasadeed oo ku saabsan arrimaha hadda taagan.

Sannadkan, dabaaldegyada carnival-ka waxaa lagu arkay mootooyin iyo sawirro ka turjumaya Madaxweynaha Mareykanka Donald Trump, Madaxweynaha Ruushka Vladimir Putin, bilyaneerka teknoolojiyadda Elon Musk, iyo hoggaamiyaha Ukraine Volodymyr Zelenskiy.

Kumannaan qof oo xiran dhar dhaqameed ay xirtaaan majaajiliistayaashu, kuna marsan wejiga midabbo kala duwan, ayaa si farxad leh ugu dabaaldegay waddooyinka magaalooyinka Cologne, Dusseldorf, iyo magaalooyin kale oo ku yaalla galbeedka iyo koonfurta Jarmalka, kahor bilowga bisha Soonka ee Lent.

Sida musqushan dahabka ka sameyysan ee qiimaheedu yahay lix malyan oo doolar loogu xaday shan daqiiqo

Tuugo ayaa ka xaday qeybta lagu fariisto ee musqul dahab ah oo ku kacaysa lacag ka badan lix milyan oo doolar.

Waxaa la qaday qasriga Ingiriiska ku yaal ee Blenheim Palace kadib markii ay soo qaadeen ‘weerar halis ah oo qorsheysnaa’ kaasi oo qaatay shan daqiiqo oo qura.

Sidaasi waxaa la maqlay waqti lagu jiray dacwad maxkamadeed. Musqushaas ayaa si dhammaystiran loogu rakibay, waxayna si buuxda u shaqaynaysay iyadoo qayb ka ahayd bandhig farshaxan oo ka dhacay guriga taariikhiga ah ee ku yaal Oxfordshire bishii Sebtember 2019. Waxa ay ka sameysneyd dahab saafi ah.

Michael Jones, oo 39 jir ah, oo ka soo jeeda Divinity Road, Oxford, ayaa beeniyay eedeyn loo soo jeediyay oo ah in uu guri jabsaday.

Fred Doe, oo horay loogu yaqaanay magaca Frederick Sines, ahna 36, kana soo jeeda Windsor, iyo Bora Guccuk oo ah 41 jir kasoo jeeda galbeedka caasimada London, ayaa sheegay in aysan lahayn wax dembi ah oo ah inay hanti si dambiilenimo ah ula soo wareegeen.

Sida suuliga dahabka ah lagu xaday

Maxkamadda Oxford Crown Court ayaa sheegtay in musqusha laga yaabo in la burburiyay oo aan la soo celin innaba.

Haweeneyda Dacwad-oogaha ah ee lagu magacaabo Julian Christopher KC ayaa u sheegtay maxkamadda in koox shan qof ah oo ku safrayay laba gaari ay soo dhaafeen albaabada xiran ee qasriga Blenheim Palace aroortii hore ee subaxnimo ee 14-kii Sebtember 2019. Waxay jiireen oo ay burburiyeen waxkasta oo ku hor gudbanaa iyaga oo adeegsanaya buris oo sidaasi dhismahaasi ku galeen ayagoo waliba istcmaalayay dubbeyaal waaweyn.

Maxkamada ayaa dhageysatay in dubbeyaashaasi loogaga tagay goobtii, iyada oo lasoo bandhigay sawir ay dhismaha ka qaadeen kooxd aburcadda ah17 saacadood ka hor intaan musqusha la xadin, sida uu maxkamada u sheegay Christopher.

Waxaa maxkamada la horkeenay qofkii qaaday sawirka oo magaciisa lagu sheegay Jones islamarkaasna ka mid ahaa ragga burcadda ah ee weerarka xatooyada musqusha dahabka ah lagu eedeeyay.

Dacwad-oogaha ayaa sheegay in Jones uu qaaday sawirkaasi asagoo ‘halkaasi u joogay xog uruurinta dhacdada guri jebinta’ kahor weerarka. Christopher ayaa u sheegay maxkamada in weerarku qaatay shan daqiiqo oo keliya. ‘Agabkaasi farshaxanka ah ayaanan waligii dib loo soo helin’ wixii ka dambeeyay markii la xaday.

Sidaasi ayuu sii raaciyay hadalkiisa. “Waxay u muuqatay in la kala falfalliiray oo laga dhigay jabab yaryar oo dahab ah aana waligeed dib loo soo helin”.

Nin afaraad oo lagu magacaabo Jamis Sheen oo 40 jir ah kana soo jeeda Wellingborough oo dhacda Northamptonshire ayaa qirtay inuu guriga jabsaday, sida loo sheegay xeerbeegti.

Dahabkaasi ayaa dhammaa 18 carat qeybna ka ahaa bandhig uu soo bandhigay farshaxamiistaha Talyaaniga ah ee lagu magacaabo Maurizio Cattelan.

Waxaa miisaankiisu dhammaa 98kg waxaana lagu caymiyay aduun lacageed oo dhan oo ka badan $6m oo doolar.

Qiimeyaasha dahabka ayaa waqtigaas ahaa qiyaastii £2.8m gaar ahaan Sibtembar 2019, sida maxkamada loo sheegay.

Dacwad soo oogaha ayaa sheegay in farriimo, codad iyo sawirro shaashadaha laga sawiray oo badan oo laga helay taleefanada eedeysaneyaasha kala ah Sheen, Mr Doe iyo Mr Guccuk. Farriimahaas waxay muujiyeen saddexdooda oo ku gorgortamaya qiime dhan £25,632 kiiladiiba ilaa qiyaastii 20kg oo ah dahabka lasoo xaday.

Waxaa la sheegay in Mr Guccuk, oo asagu ka shaqeeya dukaamada dahabka ee Pacha of London oo ku yaala dhanka Hatton Garden, uu faaiidi lahaa faaiido dhan qiyaastii £3,000 kiilo kasta oo lasii gado.

Qasriga ayaa ku yaala Goobta UNESCO u aqoonsan tahay inay tahay goob dhaqameed caalami ah ahna goobtii uu ku dhashay Sir Winston Churchill. Dhageysiga dacwadu waa socdaa.

Ciidamada Difaaca Dowladda Puntland oo gudaha u galay Taliskii ugu weynaa argagixisada Daacish, kaas oo ka kooban xafiisyo, hoolal shirar iyo gaadiid ay gubeen.