Inta la xaqiijiyey 6-qof ayaa ku geeriyootay ugu yaraan 3-kalena waa ku dhaawacmeen shil gaari oo goordhow ka dhacay inta u dhaxaysa deegaanada Salaamo iyo Libaaxo oo ka tirsan gobolka Nugaal.Dhaawacyadii dadkaas waxaa loo qaaday isbitaallada magaalada Garowe.Dadkaas waxaa u gurmaday oo goobta uu shilku ka dhacay gaaray masuuliyiin ay ka mid yihiin, guddoomiyaha gobolka Nugaal, Taliyaha qaybta booliska gobolka iyo saraakiil ka socota ciidanka ilaalada wadooyinka ee Taraafikada.Shilalka noocaan ayaa aad ugu badan deegaanada Puntland, waxaana inta badan loo sababeeyaa xirfada wadayaasha gaadiidka oo aan xakameyn xawaaraha ay ku socdaan.

Lix qof ayaa ku dhintayayaa ku dhintay shil ka dhacay duleedka Garowe

Wasiirada Arrimaha Dibadda Soomaaliya iyo Itoobiya oo ka wada hadlay xiriirka iyo iskaashiga labada Dal

Wasiirka Arrimaha Dibadda iyo Iskaashiga Caalamiga ah, Mudane Cabdisaciid Muuse Cali, ayaa maanta oo Khamiis ah kulan labo geesood ah magaalada Addis Ababa kula yeeshay Ra’iisul Wasaare ku-xigeenka ahna Wasiirka Arrimaha Dibadda ee Jamhuuriyadda Federaalka Dimuqraadiga ah ee Itoobiya, Mudane Demeke Mekonnen Hassen

Labada Wasiir ayaa kulankooda kaga wada hadlay kor u qaadidda xiriirka labo geesoodka ah ee Labada Dowladood iyo horumarinta iskaashiga dhinacyada siyaasadda, amniga, diblomaasiyadda iyo la dagaallanka argagixisada, iyaga oo is dhaafsaday aragtiyo ku aaddan horumarrada iyo isbeddellada siyaasadeed ee Gobolka Geeska Afrika.

Wasiirka Arrimaha Dibadda ayaa uga mahadceliyey Ra’iisul Wasaare ku-xigeenka ahna Wasiirka Arrimaha Dibadda iskaashiga xooggan iyo deris wanaagga ka dhaxeeya Jamhuuriyadda Federaalka Soomaaliya iyo Jamhuuriyadda Dimuqraadiga Federaalka Itoobiya, wuxuuna hoosta ka xarriiqay sida ay Soomaaliya uga go’an tahay sare u qaadidda iskaashi uu saldhig u yahay ixtiraamka qarannimada, madax-bannaanida siyaasadeed iyo midnimada dhuleed ee Soomaaliya iyo Itoobiya.

Rooble oo amray

Ra’iisul Wasaaraha Xukuumadda Federaalka Soomaaliya mudane Maxamed Xuseen Rooble ayaa guddoomiyay shirka toddobaadlaha ah ee Golaha Wasiirrada oo looga hadlay doorashooyinka dalka, amniga, gaar ahaan ciidanka la geeyay Beledweyne iyo  baqdin gelinta argagixisadu ku hayaan ganacsatada Suuqa Bakaaraha.

Shirka ayaa waxaa warbixinno laga dhageystay qaar ka mid ah Wasiirada shirka ka qeybgalay, waxaana xoogga lagu saaray in laga hortago cidkasta oo carqaladeynaysa amniga oo ay ugu horeeyaan argagixisada.

Golaha Wasiirada ayaa go’aamiyay in dib looga soo celiyo ciidankii dhawaan la geeyay magaalada Beladweyne ee xarunta Gobolka Hiiraan.

“Kadib markii labada Wasiir ay quseysa aan lagu wargelin oo ay la socon geynta ciidamada la geeyay Beladweyne, Golaha Wasiirada falanqeyn iyo dood dheer kadib waxa uu Goluhu isku raacay dhowr qodob oo loogu talagalay in lagu xaliyo xiisadda ka taagan Beladweyne”. Ayuu yiri Wasiir Cadaala.

1, In ciidamadaas la geeyay magaalada Beladweyne ee aan la soconin Wasaaradihii mas’uulka ka ahaa ee u xilsaarnaa inay korjoogteeyaan, lana socdaan dhaq dhaqaaqyada ciidamada, ayaa waxaa taliyeyaasha ciidanka la faray inay si deg deg ah ciidamadaas uga soo saaraan magaalada, dibna loogu celiyo xeryahooda.

Shirka Golaha inta uu socday waxaa Wasiirka Amniga iyo taliyeyaasha ciidamada la faray in qeybaha kala duwan ee ciidamada qalabka sida ee geesiyaasha ah, laga ilaaliyo waxyaabaha sumcad dilka ah ee ugu horeyso in lagu milo arrimaha siyaasadda, isla markaana ciidamada lagu koobo waajibadka ay leeyihiin oo ah inay sugaan amniga guud ee dalka, ilaaliyaana muwaadiniinta.

Wasiir ku-xigeenka Warfaafinta, dhaqanka iyo Dalxiiska ee Xukuumadda Federaalka Soomaaliya mudane Cabdiraxmaan Yuusuf Sheekh Al-Cadaala ayaa xusay in Goluhu uu isku raacay in ciidamada laga dheereeyo shakiga ama ku lug lahaanshiyaha la xiriira inay faragelin ciidamada ku lugleeyihiin loo isticmaalo arrimaha doorashooyinka oo amnigooda iyo socodsiintooda si gaar ah  mas’uul uga yahay Ra’iisul Wasaare Rooble.

Ra’iisul Wasaaraha ayaa Golaha Wasiirada u soo bandhigay guddi Wasiiro ah oo uu u magacaabay in Maamulka Hirshabeelle iyo Waxgaradka Beladweyne ay kala shaqeeyaan dajinta xiisadda ka taagan Beladweyne iyo sidii xal loogu heli lahaa khilaafka taagan.

“Ra’iisul Wasaaruhu waxa uu magacaabay guddiga Wasiiro ah oo loogu tagalay inay ka shaqeeyaan sidii xal loogu heli lahaa arrinta ka taagan magaalada Beladweyne, iyaga oo la shaqeynaya Dowlad Goboleedka Hirshabeelle iyo Waxgaradka Gobolka Hiiraan, gaar ahaan magaalada Beladweyne”. Ayuu yiri Wasiir Cadaala.

Guddiga Wasiirada ah ee uu magacaabay Ra’iisul Wasaare Rooble.

1. Wasiirka Wasaaradda Arrimaha Gudaha Jeneraal Mukhtaar Xuseen Afrax Guddoomiye
2. Wasiirka Wasaaradda Amniga Mudane Cabdullaahi Maxamed Nuur Guddoomiye ku-xigeenka Guddiga
3. Wasiirka Wasaaradda Gaashaandhigga Mudane Cabdiqaadir Maxamed Nuur Jaamac xubin
4. Wasiirka Wasaaradda Ganacsiga Mudane Khaliif Cabdi Cumar xubin iyo
5. Wasiirka Wasaaradda Caafimaadka Drs Fowziya Abiikar Nuur

Wasiirada ayaa la faray inay si dhow ula shaqeeyaan Dowlad Goboleedka Hirshabeelle iyo bulshada Beladweyne.

Golaha ayaa ugu baaqay shacabka iyo waxgaradka Beladweyne ay xaaladda dajiyaan oo ay ka hortagaan waxkasta oo keeni kara isku dhac.

Golaha ayaa Madaxda Wasaaradda Amniga faray inay la yimaadaan qorshe lagu xoojinayo sugidda amniga suuqa bakaaraha iyo  guud ahaan goobaha ganacsiga dalka, maadaama ay isa soo tarayaan hanjabaadda argagixisadu u geysaneyso ganacsatada.

Safiirka Soomaaliya ee Dalka Itoobiya, Mudane Abdullahi Ahmed Jama Ilka jiir oo xoojinaayo taageerada loo raadinaayo xubinnimada Golaha Amniga ee Midawga Africa ayaa maanta la kulmay Safiirada Dalalka Seychelles, Tunisia iyo Safiirada Ururka Jaamacada Carabta ee Wadamada Afrikaan ah ee qaabilsan Dalka Itoobiya, Midawga Afrika iyo Ururka Dhaqaalaha Qaramada Midoobay ee Afrika.

Safiirka ayaa la waddaagay dhammaan Safiiradda uu la kulmay ahmiyadda ay Soomaaliya u leedahay ka mid noqoshada Golaha Amniga iyo Nabadda iyo inay Soomaaliya kamid ahayd aas-aasyashii Ururka Midawga Afrika.

Sidoo kale kulamadaan uu maanta Safiirka Soomaaliya la yeeshay Safiiradda Wadamada Afrika ee saldhigoodu yahay magaalada Addis Ababa ayaa u sii gogol xaarayo “ Shirka caadiga ah ee 40 aad ee Golaha Wasiiradda Midawga Africa ee kadhici doona Xarunta Midawga Africa, Addis Ababa, 3-4 Feebaraayo 2022 iyo midka Madaxweyneyaasha.

Safiirka Soomaaliya ee Dalka Itoobiya ayaa dadaal dheeri ah kubixinaayo sidii ay Soomaaliya ugu guuleysan lahayd kursiga Golaha Amniga ee Midawga Africa markii la gaaro doorashada bisha Febaraayo 2022.

RW Rooble oo la shiray Mahdi Guuleed iyo Cabdi Xaashi

Ra’iisul Wasaaraha xukuumadda federaalka ee Soomaaliya Maxamed Xuseen Rooble ayaa manta kulan la yeeshay Guddoomiyaha Aqalka Sare Cabdi Xaashi Cabdullahi iyo Ra’iisul Wasaare ku xigeenka Mahdi Maxamed Guuleed.

Qoraal ka soo baxay xafiiska Raii’sul wasaaraha ayaa lagu shaaciyey in lagu dhammeeyay madmadowgii soo kala dhex galay masuuliyiinta, iyadoo lagu heshiiyey in laga wada shaqeeyo doorashada.

“Ra’iisul Wasaaraha XFS Mudane Maxamed Xuseen Rooble ayaa kulan la yeeshay Guddoomiyaha Aqalka Sare iyo Ra’iisul Wasaare Ku-xigeenka dalka oo uu dhammeeyay madmadowgii soo kala dhex galay, iyadoo la isku afgartay in ay si wada jir ah Ra’iisul Wasaaraha ugala shaqeeyaan dhammeystirka doorashada xildhibaannada Golaha Shacabka ee ka soo jeeda Somaliland,” ayaa lagu yiri qoraaalka.

Gudoomiyaha gobolka Sanaag, duqa degmadda Badhan iyo Taliyaha qaybta Booliska, oo kormeer ku tagay Deegaano hoostaga magaaladda Ceelbuh ayaa Biyo iyo raashin gaarsiiyey Dadka Xoolo dhaqatada ah ee horay uga soohayaamay Gobolada Mudug, Sool iyo Bari ee Xiligan ku sugan Gobolka Sanaag.