Ciidamada Badda iyo Beriga Puntland ee PMPF oo ay weheliyaan ciidanka PISF ayaa hawlgal wadajir ah oo qorshaysan ka fuliyey buuralayda Calmadaw, si gaar ah deegaanada ku teedsan ee kala ah Ceel-dibir, Majiyahan, Ceel-kharaar, Dhadhaabo iyo Macag.

Hawlgalka ayaa lagu soo qabtay xubno ka tirsan Argagixisada Al-shabaab, kuwaas oo cadawga u fududeeya Sahayda (raashinka), waxaana gacanta ciidanku ku dhigeen gaadiidkii ay adeegsan jireen.

Hawgalladan ka dhanka ah cadawga waa mid ay markasta ciidamada qalabka sida ee Dowladda Puntland u fuliyaan, si joogta ah, qorshaysan oo aan wakhti lahayn.