![](https://allsanaag.com/wp-content/uploads/2016/11/elayooo-624x468.jpg)
7th September 2024 admin Category :
Maamulka Cusub ee gobolka Hayland maxay Bulshada ka sugayaan?
Dhowaan madaxweynaha Puntland Cabdiweli Gaas ayaa Gobolka Hayland u magcaabay Gudoomiye Maxamed Cawil Cabdulaahi iyo ku xigeenkiisa Kheyre Siciid Cabdulle (Khayre Seete).
Hadaba Gobolka oo dib u dhac weyni ka jiro dhinac kasta ayaa waxa laga sugayaa maamulkan cusubi in uu arimahan soo socda wax ka qabto oo ay ka gaabiyeen maamuladdii ka horeeyey .
Goobolka Hayland ilaa maalintii loo magcaabay gonolka tobon sano ka hor ma jirin meel lagu soo bandhigay xadkiisa iyo degaanada hoos yimaada ee uu ka taliyo . Sidaas awgeed maamulka cusub waxa laga sugayaa in marka u horaysa bulshada u soo bandhigaan xadka uu la leeyahay gobolkani gobolada Sanaag, Sool, Nugaal Karkaar iyo Bari.
Arinta labaad ee laga sugayo maamulka Cusub waa inay la yimaadaan Qorshe ay kula dagaalamayaan argagixiosada Alshabaab iyo SNM. Maamulka cusubi waa in uu maamulka Puntland u soo gudbiyaa magacyada raga la shaqeeya maamulka SNM oo degenaashaha iyo ganacsiga ku leh Boosaaso. Hase ahaatee ka shaqeeya amni xumada Puntland.Si loo ogaado dhaqdhaqaaqooda
Arinta sadexaad ee laga sugayo maamulka cusubi, waa horumarinta arimaha Bulshada sida caafimaadka, waxbarashada iyo horumarinta reer miyiga . Maamulka cusubi waa inuu wakiisha aqoonyahan u dhashay degaanka oo isku xira maamulka Gobolka Hayland, Puntland, dawladda federaalka iyo Bulshada Caalamka. Maamulka waa inuu bilaabaa sidii uu u heli lahaa mashruuca Qaramada midoobey maalgeliso ee UN Joint Program on Local Governance ee loo soo gaabsho JPLG.
Ugu danbayntii gobolkan oo ah gobolka ugu Kheyraadka badan Soomaaliya waa in maamulku ka shaqeeya sidii loo horumarin lahaa gobolka Hayland oo loogu samaysan lahaa maalgashi Soomaaliyeed iyo mid caalami ah si ay shaqo abuur loogu sameeyo Bulshada Gobolka
Allsanaag.com
.