Madaxweynaha Puntland iyo James Swan oo ka wada hadlay dardargalinta Doorashada

Madaxweynaha Dowlad Goboleedka Puntland Mudane Siciid Cabdullaahi Deni, ayaa hoygiisa Muqdisho ku qaabilay Ergayga gaarka ah ee Qaramada Midoobey u qaabilsan Soomaaliya James Swan.

Madaxweynaha Puntland ayaa uga mahadceliyay Qaramada Midoobey taageerada dhinacyada kala duwan ah ee ay siiso Soomaaliya, wuxuuna la wadaagay muhiimada ay leedahay in ay sii dardargeliyaan doorkooda ku aadan Doorashada Soomaaliya.