Wafdigii RW Rooble oo si weyn loogu soo dhaweeyey Abu-Dhabi

Ra’iisul Wasaaraha XFS Maxamed Xuseen Rooble iyo wefdi uu hoggaaminayo ayaa goordhaw gaaray magaalada Abu Dhabi ee dalka Isutagga Imaaraadka Carabta, halkaas oo uu kulamo kula yeelan doono madaxda ugu sarreysa dalka Imaaraadka Carabta.

Ra’iisul wasaare Rooble ayaa si weyn loogu soo dhoweeyey garoonka diyaaradaha magaalada Abu Dhabi, halkaasi oo ay ku qaabileen madax sare oo ka tirsan dalkaas.

Qoraal kasoo baxay xafiiska R/Wasaaraha ayaa lagu shaaciyey in ujeedka booqashadan uu yahay mid lagu sii xoojinayo xiriirka u dhexeeya labada dal ee walaalaha ah iyo sidii loo sii horumarin lahaa.

Ra’iisul Wasaare Maxamed Xuseen Rooble iyo wefdigiisa ayaa gaaray magaalada Abu Dhabi halkaas oo ay uga bilaabatay booqasho ujeedkeedu yahay xoojinta iyo horumarinta xiriirka iyo iskaashiga labada dal ee walaalaha ah. pic.twitter.com/vCMsJU3u2I

— SomaliPM (@SomaliPM) January 30, 2022

Xuud oo faah faahin ka bixiyey wada-hadallada DF iyo xiisadda Beledweyne

General Abuukar Xaaji Warsame (Xuud) oo maanta shir jaraa’id ku qabtay magaalada Muqdisho ayaa ka hadlay arrimo xasaasi ah, gaar ahaan xaaladda HirShabelle iyo ujeedka socdaalkiisa ee magaalada Muqdisho.

Xuud ayaa sheegay inuu wada-hadal kula jiro dowladda Soomaaliya, isla-markaana uu kulan la qaatay madaxweyne Maxamed Cabdullaahi, Farmaajo, si loo soo afjaro xiisadda.

Sidoo kaloe wuxuu soo hadal qaaday xaaladda haatan ka taagan magaalada Beledweyne iyo ciidamada dhowaan la geeyey magaaladaasi, wuxuuna sheegay in ciidamadaasi lasoo celinayo, haddii ay u shaqeyn waayaan si Soomaalinimo ah, sida uu hadalka u dhigay.

“Ciidankaas Beledweyne la geeyey haddi uu u shaqeyn waayo si Soomaalinimo ah waan soo celineynaa hadduu Soomaalinimo u shaqeeyane waa ciidankii aan baahneyn,” ayuu yiri.

Muqdisho waxaa lagu dilay Axmed Cabdilaahi oo ka soo jeeday degmada Buuhoodle ee gobolka Togdheer

Saraakiil ka soo jeeda beesha Dhulbahante ayaa Muqdisho lahu dilay

Sarkaalkan oo ka tirsana Haramcad ayaa hada ka hor ka badbaaday dil isago xiliga dhaawac culus soo gadhay balse mar kale.maanta ayaa lagu weeraray Gudaha.Muqdisho.

Sarkaalkii labaad ee ka soo jeeda Buuhoodle ayaa muddo ka yar 24 Saacadood lagu Dilay magaalada Muqdisho, ma jirto cid laamaha amniga ee magaalada Muqdisho soo Qabteen.

Xasan Deeq Cali ayaa Sidoo kale Gacan xaqdarin ku Dishey Muqdisho.

Guddiga doorashooyinka K/Galbeed oo shaaciyay kuraasta dhawaan lagu dooran doona Baraawe

Guddiga hirgelinta doorashada Dowlad gobaleedka Koonfur Galbeed Soomaaliya,  ayaa shaaciyay qabashada doorashada qaar kamid ah kuraasta deegaan doorashadoodu tahay Magaalada Baraawe ee Caasimadda Koonfur Galbeed.

Maamulka Koonfur Galbeed, ayaa noqonaya maamulkii ugu horreeyay ee shaaciya deegaan Doorashada labaad ee loogu tala galay in ay ka dhacdo doorashada golaha Shacabka ee Baarlamaanka Jamhuuriyadda Fedaraalka Soomaaliya.

13- Kursi oo taalla magaalada Baraawe ayaa lagu waddaa in doorashadooda la qabto todobaadka soo socda sidda ay shaaciyeen guddiga.