8th February 2023  admin  Category :

Mushkiladda ka jirta dalka Soomaaliya waxaa sabab u ah maamul goboleedyada. Ma’ahan in lagu mashquulo Rooble iyo Farmaajo xurgufta ka dhex taagan, balse waa in la is weeydiiyaa dhibka meesha uu ka jiro.

Shacabka Soomaalieed waxeey sugayaan in la soo dhameeystiro doorashada aqalka hoose; hase ahaatee, doorashada soo dhameeystirkeeda waxeey ku xirantahay maamul goboleedyada dalka, kuwaas oo leh eeda oo dhan.

Maamul goboleedyada waxeey dalka ka abbuureen doorasho nooceeyda aan adduunka lagu arag oo ah in marba la soo tuuro 2, 3, 5, 7, 10 kursi, markii la joogo bil ayeey haddana soo tuurayaa kuraas kale.

Hadii cid la eedeenayo waa in la eedeeyaa maamulada ka jira dalka oo isku dayeya ineey doorashada musuqmaasuqaan iyo iyada oo maamulada madaxdooda ay noqdeeyn kuwo midba midka kale uu eeganayo. Ma’ahan in Farmaajo la iska eedeeyo habbeen iyo maalin, iyada oo aan aragno cidda ka mas’uulka in doorashada ay jiitanto.

Shaqsiyaad ayaad arkeeysaa inta idaacadaha ay soo fariistaan iska eedeenaya Farmaajo, iyada oo deegaanadii ay ka yimaadeen aan wax doorashaha ka socon. Sidee Farmaajo u eedeeneysaa adiga oo deegaankaagii aan haba yaraatee aan doorashadii aqalka hoose aanay kaba billaaban?

Tusaale, hadii la yiraahdo Farmaajo maamulada ku xiran sida Koonfur Galbeed, Hirshabeele iyo Galmudug ayaa doorashada jiidaya oo dhibka waa xagooda, maxeey Puntland iyo Jubaland u soo dhameeyn waayeen doorashada? Deni iyo Ahmed Madoobe ma eedeeyn karaan Farmaajo iyaga oo aan soo dhameeystirin kuraasta doorashada ee laga sugayey.

Hadaba dadku yeeysan noqon kuwo ay meel uun kaga dhagtay oo ah Farmaajo, Farmaajo, Farmaajo, balse waa in aan ballaarinaa meesha aan wax ka arkeeyno. Mushkilada dalka waa maamul goboleedyada hadii aaney iyaga soo dhameeystirin kuraasta baarlamaanka wax doorasha ah oo dalkan ka dhaceeysaa ma jirto.

Leave a Reply

Your email address will not be published. Required fields are marked *

*