29th March 2024  admin  Category :

Dowlada Soomaaliya oo ku gacan seyrtey go’aan ka soo baxay guddiga xaqiiqo raadinta IGAD

Dowladda federaalka Soomaaliya ayaa ku gacan seyrtey warbixin uu soo saaray guddigii xaqiiqo raadinta IGAD ee dhawaan loo saaray dacwaddii dowladda Soomaaliya ka gudbisay Dowladda Kenya.

Wasiirka Warfaafinta Somaliya Cusmaan Dubbe oo shir jaraa’id ku qabtay magaalada Muqdisho ayaa ku eedeeyay Guddigaas inuusan dhex dhexaad ka noqon arrimaha labada dal, isla markaana uu qaatay warbixinta hal dhinac oo Kenya ah.

“Guddiga IGAD ee loo xilsaaray xaqiiqo raadinta dacwadii Somalia ka gudbisay Kenya wuxuu so saaray warbixin lala yaabo oo u janjeerta hal dhinac” ayuu yiri wasiirka warfaafinta Somaliya.

Guddiga ayaa sheegay in xuduuda labada dal aysan ku soo arkin wax cadeynaya sheegashada Soomaaliya ee ah in Kenya ay abaabuleyso Jabhad weerarro ka fulisa gudaha Soomaaliya, iyagoo sheegay iney xaqiijiyeen in C/rashiid iyo ciidamadiisa ay ka tirsan yihiin ciidamada Jubbaland.

Warbixintan uu soo saaray guddigan ayaa ku soo beegmaya xilli labo maalmood kahor uu iskahorimaad hubeysan ku dhex maray magaalada Beled Xaawo ciidamo daacad u ah dowlada federalka iyo ciidamada maamulka Jubbaland

Leave a Reply

Your email address will not be published. Required fields are marked *

*