Guddoomiyaha Golaha Wakiillada DPL Mudane Cabdirashiid Yuusuf Jibriil Cawl oo ay wehliyaan Guddoomiye ku-xigeenka 1aad Mudane, Cabdicasiis Cabdullahi Cusmaan, Guddoomiye ku-xigeenka 2aad Mudane, Ismaaciil Maxamed Warsame ayaa ka qeyb galay soo dhaweynta Madaxweynaha Dawladda Puntland Mudane, Saciid Cabdullahi Denni oo safar shaqo ugu maqnaa dalka dibaddiisa.

Guddoonka Golaha Wakiillada DPL ayaa waxaa soo dhaweynta ku wehlinayey Madaxweyne ku xigeenka DPL Mudane Axmed Cilmi Cusmaan Karaash, xubno ka mid ah Goleyaasha Dawladda, Maamulka Gobolka, Kan degmada Garoowe, Saraakiil Ciidan iyo dadweyne.