![](https://allsanaag.com/wp-content/uploads/2020/09/FB_IMG_1600937876960-624x416.jpg)
7th September 2024 admin Category :
C/raxmaan C/shakuur oo ku sugan Madaxtooyada iyo kulan u socda Ra’iisul Wasaaraha
Hoggaamiyaha Xisbiga Wadajir C/raxmaan C/shakuur Warsame ayaa ku sugan Xarunta Madaxtooyada Villa Somalia, halkaasoo wada hadalo kula leeyahay Ra’iisul Wasaaraha cusub ee Soomaaliya Maxamed Xuseen Rooble.
Kulankan ayaa ahaa mid u soo dalbaday Ra’iisul Wasaare Rooble, iyadoo uu aqbalay C/raxmaan C/shakuur, si ay uga wada hadlaan xaalada guud ee dalka.
Ra’iisul Wasaare Rooble ayaa 8-da qodob ee uu shalay ka hor balanqaaday markii la ansixiyay waxaa ka mid ahaa inuu sameyn doono dhab u heshiisiin, isla markaana Xukuumadda uu soo dhisi doono ay dalka ka saari doonto marxalada kala guurka ee uu dalku galay.
Tagitaanka Madaxtooyada ee C/raxmaan C/shakuur ayaa ah markii u horeysay muddo saddex sano iyo bar, iyadoo Dowladda Farmaajo u arkeysay in C/raxmaan uu ahaa cadawgeeda koowaad, maadaama u ahaa Mucaaradkii ugu weynaa oo mar hoygiisa lagu weeraray, lana xiray.