Guddiga Doorashooyinka ayaa noqday mid fullinaya danno siyaasadeeysan kadib markii ay liiska ka reebbeen shaqsiyaad afar qof ah, balse ujeedka ugu weeyn ee loo socda ayaa ah sidii Fahad Yaasiin loola hari lahaa. Qof kasta waxa uu ka dharagsanyahay in doorashada dalka ka socota dhamaanteed ay aheeyd mid aan xallaal aheen oo musuqmaasuq aad u xun uu hareeyey.

Guddoomiyaha Guddiga Doorashooyinka Federaalka iyo shakhsiyaadka dabbada ka riixaya sida ra’iisalwasaaraha ayaa u muuqda kuwo abuuraya khilaaf hor leh, balse waxaa hubaal ah in guddiga doorashooyinka iyo siyaasiyiinta dabbada ka riixaya aysan ku guulleeysan doonin isku daygooda ah ineey ka reebaan afartaa qof ee laga soo kala doortay Koonfur Galbeed iyo Hirshabeele.

Guddoomiya doorashooyinka ayaa ah shakhsi lumiyey kalsoonida lagu qabi karo dhexdhexaadnimadiisa maadaama uu fullinayo danaha shakhsiyaad kale. Xaqiiqda ayaa ah in guddoomiyaha oo ka soo jeeda Puntland uusan waxba ka qaban doorashadii ugu xumeeyd ee ka dhacday magaalada Boosaaso ee labba saacadood gudahooda lagu soo doortay 16 xildhibaan.

Guddoomiyaha iyo ra’iisalwasaaraha waxeey isku arkaan shakhsiyaad waqtiga yar ee noo muuqda kuwo guulleeystay maadaama liiska ay soo qorteen ay ka reebbeen Fahad Yaasiin. Si kasta ha ahaato, maanta waxaa qaatay shahaadooyinkii shakhsiyaad ka tirsan dhinaca mucaaradka. Hadaba maamulada Hirshabeele iyo Koonfur Galbeed oo ka hor yimid liiska uu soo qortay guddoomiyaha ayaa sheegay ineey u gudbinayaan liiska musharaxiintooda xoghayayaasha labbada aqal taas oo ka dhigan in guddoomiyaha iyo guddigiisaba laga leexanayo.

Taas waxeey ka dhigan tahay in marka mucaaradka ay soo wada qaataan shahaadooyinka, in xubnaha ka socda maamulada Hirshabeele iyo Koonfur Galbeed aysan tegi doonin meesha lagu qaadanayo shahaadooyinka. Dabcan halkaas waxa ku istaagi doona socodkii doorashada tan iyo inta lagu soo darayo liiska xubnaha laga reebay ee Hirshabeele iyo Koonfur Galbeed.

Hadaba madaxda Hirshabeele iyo Koonfur Galbeed iyo guddiyadooda doorashooyinka, ayaa shakhsiyaadka liiska laga reebay u arka ineey sifo sharci ah ku yimaadeen oo xaggooda aan wax dhib ah ka jirin. Midaas waxeey albaabada ka soo xireeysaa ra’iisalwasaaraha iyo guddoomiyaha oo aan heeysan wax sharci ah oo ay shakhsiyaadkaas uga reebbaan liiska.

Hadii muranka iyo is jiidjiidadka uu sii socdana, waxaa soo faragelin doona beesha lixaad oo iyadu ah midda kalla hagta marka khillaaf la isku mari waayo. Beesha caalamka waxeey iyagu taagan yihiin doorashada madaxweeynaha hala qabto, balse shakhsi meel ka arkay shakhsi kale ayaa ah mid aan micno u sammeeneeyn iyaga, waxeeyna u arkaa doorashada lagu soo xullayo baarlamaanka ay tahay mid aan doorasho lagu sheegi karo sidaa darteedna madaxweeyne uun la soo doorto.

Waxeey u muuqataa in guddoomiyaha doorashooyinka iyo ra’iisal wasaarahaba ay liiska ku soo dari doonaan aakhirka shakhsiyaadkii ay ka reebeen, mana noqon doonaan kuwo ku guulleeysta ineey liiska ka reebaan afartaa qof ee la beegsaday.