Wasiirka Maaaliyadda, Cilmi Maxamuud Nuur, ayaa dhawaan shaqo joojin ku sameeyay xisaabiyaha guud ee Wasaaradda Maaliyadda iyo Agaasimaha Guud ee Dakhliga. Hadaba xisaabiyaha Guud ayaa lagu eedeeyay in uu curyaamiyey kharash bixinta waqtiyaysneed, daminta nidaamka SFMIS oo ay ku shaqeeyaan waaxda caanshuuraha iyo dabcan isaga oo waxaas oo qalad ah inta uu sameeyay dabaddeedna iska aaday dalxiis dibbadda ah.

Hase ahaatee, waxaa ka hor yimid Madaxweeyne Xasan Shiikh oo raggaas ay jamaaco yihiin, waxaana wasiirka lagu qasbay in raggaas uu boosaskooda ku soo cesho. Hadaba, shacabka Soomaaliyeed waxa ay fillayeen in Wasiirka Maaliyadda Cilmi Maxamuud Nuur uu iska casili doono xilkaas, sida safiirkii u fadhiyey Sacuudiga dalka Soomaaliya, kaas oo u dulqaadan waayey habdhaqanka reer Cullusoow.   

Waa la filayey in wasiirka maaliyadda laga qaadi doono xilka goor ay noqotaba maadaama uu soo faragashtay Xasan Shiikh jamaacadiisa, balse waxaa muuqata in dhaqso la isku dhaafiyey.

Si kastaba ha ahaatee, waxaa muuqata in wasiiradda dhammaantood aysan ahayn kuwo shaqadooda u madaxbannaan, labbo mid ayeey noqoneeysaa in qofka wasiirka ah uu u hoggaansamo waxa madaxweeynaha uu doonayo iyo in uu xilka iska casilo. Dalka ayaa muuqata in uu ku socdo meel aan wanaagsanayn, waxaana la filayaa hoos u dhac aad u weeyn oo ah dhinaca dawladnimada.