29th January 2023  admin  Category :

Daalibaan oo gudaha u galay Madaxtooyada dalka Afghanistan ee Kabul

Dagaalyahanada Daalibaan ayaa gudaha u galay xarunta madaxtooyada Afghanistan saacado kadib markii madaxweyne Ashraf Ghani uu dalka ka cararay.

Hoggaanka kooxda, oo ay ku hareereeysan yihiin tobanaan dagaalyahanno hubaysan ah ayaa warbaahinta kala hadlay kursiga awoodda ee dalka.
Dhanka kale, afhayeen u hadlay Daalibaan ayaa sheegay kuwa la shaqeeyay dowladda iyo milateriga oo ay reer galbeedku taageeraan la cafinayo.

Ka bixitaankii Madaxweynaha Afghanistan Ashraf Ghani ee dalka ayaa ku reebtay in badan oo ka mid ah dadka dalkaas inay dareemaan carro iyo wareer iyadoo kooxda hubaysan ee Daalibaan ay doonayeen inay dib ula wareegaan awoodda 20 sano kadib markii lagu afgambiyay duulaankii milateri ee uu horkacayay Mareykanka.

“Madaxwaynihii hore ee Afgaanistaan ​​wuxuu ka tagay Afgaanistaan… Wuxuu ka tagay qaranka xaaladdan, Ilaah ayaa la xisaabtami doona,” ayuu yiri Abdullah Abdullah, oo ah guddoomiyaha Golaha Sare ee Dib -u -heshiisiinta Qaranka.

Burburka xukuumadda reer Galbeedka ee Kabul ayaa imaanaysa kadib markii duulaan Talibanka uu bilaabmay 6-dii Ogosto oo horseeday in la qabsado in ka badan labaatan gobol oo Afghanistan ah subaxnimadii Axadda.

Leave a Reply

Your email address will not be published. Required fields are marked *

*