Caasimaddii Soomaaliyeed ayaa u afduuban, waxayna ku gor gortamayaan haddan waxaan rabno iyo sidaan wax u rabno naloo yeelin, inta yar ee dawladnimo aynu haysano ayaan burburinaynaa.

Sodon sano ka hor, dawladdii Soomaliyeed ee jirtay ee xoogga lahayd, caalamkana wax la qaybsan jirtay waxa burburiyey beesha Hawiye, intaa kuma joogine waxay xasuuq iyo barakicin ku bilaabeen dhamaan umaddii Soomaaliyeed ee aan beeshooda ahayn ee ku sugnayd Koonfurta Soomaaliya.

Intaas markii ay dhacday ayaa reer walba wuxuu dib ugu laabteen degaanaddii ay horay Awoowayaashood uga yimaadeen si ay uga amaan helaan jabhaddii USC ee uu hogaamin jiray Allah ha u naxariistee Caydiid.

Muddo ka dib, ayaa Soomaalidu go’aansatay inay dib isugu soo laabtaan, oo waxay shir ku qabsadeen magaalada Carte ee Jabuuti, caqabad kale ayeey Soomaalidu inteedii kale kala kulantay Qoyskii Caydiid oo waxay yiraahdeen haddaan loo kala dooran madaxweynaha Soomaaliya Allah u naxariistee Cadow iyo Cabdi Qaasim, meesha waa lagu kala tegayaa. Waa loo yeelay oo waxa madaxweyne u wada tartamaya laba siyaasi oo ka soo wada jeeday beesha Caydiid.

Labaatan sano ka dib Carta , mar kale ayaa Qoyskii Caydiid ay afduubteen dawladdii Soomaaliya , markan waa ka khatar badan tahay intii hore, sababtoo ah dawladdii umadda ka wada dhaxaysay , caasimadda dalka, dhaqaalihii caalamku bixin jiray iyo hubkii loogu talo galay la dagaalamka argagixisada intaba afduub ayaa lagu haystaa, waxaana la taagan yahay haddii wixii aan doonayno naloo yeelin ” Annaga sidan ayeey noogu badisaa.

Ugu dsanbayntii imisaa loo afduubnaan karaa Qoys aan dawladnimo doonayn oo u arka qofkii ka shaqeeya Dawladnimo inuu yahay cadowgooda . Ma ahayn labaatan sano ka dib asaaskii Puntland in maanta umadda Soomaaliyeed lagu cabsiiyo haddan sidaan wax u rabno naloo yeelin waxba ka socon maayaan caasimaddii Soomalaiya , taasna waxa keentay nimankii madaxda ka noqday Puntland ee Musuqmaasaqu dilooday. Ninka aan tegi karin tuulada ugu xigta Muqdisho ee Diyaaradda u raacaya isagaa u baahan Dawladnimo IYO in la sii wada joogo ee waxa la la’yahay oo qura waa ciddii u sheegi lahayd, Hadddii Hawiyoow aydin dawladnimo doonayn meesha inagu kala kaxeeya.

ALLSANAAG.COM