![](https://allsanaag.com/wp-content/uploads/2024/02/426195992_745259611036521_1844055978937258593_n-624x416.webp)
7th September 2024 admin Category :
Ra’isul Wasaare Kuxigeenka XFS oo daah-furay Shir u dhaxeyo Xukuumadda Faderaalka iyo Saaxibada Caalamka
Ku-simaha Ra’iisul Wasaaraha ahna Ra’iisul Wasaare Ku-xigeenka XFS Saalax Axmed Jaamac ayaa maanta la kulmay ku-xigeenka madaxweynaha Bangiga Adduunka ee u qaabilsan Horumarinta Karaanka Aadanaha, Marwo Mamta Murithi.
Marwo Mamta oo maanta dalka soo gaartay ayaa waxay ra’iisul wasaare ku-xigeenka ka wada-hadleen qorsheyaasha istaraatiijiyadeed iyo kuwa hortabinta u leh Soomaaliya ee horumarinta karaanka bulshada.
Sidoo kale waxay diirada saaren sidii Bangiga Adduunku u sii wadi lahaa, loona ballaarin lahaa taageerada uu Soomaaliya ka siiyo xagga horumarinta awoodda waxqabad ee bulshada.https://69a08667ef3e8d7d547a8ae9b6f7dfbd.safeframe.googlesyndication.com/safeframe/1-0-40/html/container.html
Ra’iisul Wasaare ku-xigeenka ayaa la wadaagay wafdiga Bangiga Adduunka muhiimadda ay leedahay in la iska kaashado horumarinta xirfadda iyo aqoonta dhallinyarada Soomaaliyeed.
Dhankeeda ku-xigeenka madaxweynaha Bangiga Adduunka ayaa ugu hambalyeysay Xukuumadda Dan-Qaran guulaha waawayn ee ay gaartay muddadii ay jirtay, gaar ahaan dhammaystirka hannaanka dayn cafinta dalka oo guul ku soo idlaaday dhammaadkii sanadkii tagay.
13-kii December ayaa Soomaaliya si rasmi ah looga cafiyay guud ahaan deyntii uu caalamka ku lahaa. Soomaaliya ayaa waxaa laga cafiyay ku dhowaad deyn 5-bilyan oo dollar, taasi oo ay badankeed ku lahaayeen Mareykanka, Faransiiska, Ruushka, IMF, World Bank iyo Paris Club.
![](https://i0.wp.com/www.caasimada.net/wp-content/uploads/2024/02/426195992_745259611036521_1844055978937258593_n.jpg?resize=696%2C464&ssl=1)
![](https://i0.wp.com/www.caasimada.net/wp-content/uploads/2024/02/426157604_745259857703163_2247428294862032828_n.jpg?resize=696%2C464&ssl=1)
![](https://i0.wp.com/www.caasimada.net/wp-content/uploads/2024/02/426215495_745260434369772_5241317796329596113_n.jpg?resize=696%2C464&ssl=1)
![](https://i0.wp.com/www.caasimada.net/wp-content/uploads/2024/02/426157266_745260861036396_2956268466194874890_n.jpg?resize=696%2C464&ssl=1)
![](https://i0.wp.com/www.caasimada.net/wp-content/uploads/2024/02/426118394_745260224369793_8460969659317505618_n.jpg?resize=696%2C464&ssl=1)
![](https://i0.wp.com/www.caasimada.net/wp-content/uploads/2024/02/426191813_745260761036406_2440348434094711008_n.jpg?resize=696%2C464&ssl=1)
![](https://i0.wp.com/www.caasimada.net/wp-content/uploads/2024/02/426184122_745261031036379_7862488873866452089_n.jpg?resize=696%2C464&ssl=1)