![](https://allsanaag.com/wp-content/uploads/2022/12/skynews-pele-india-delhi_5985680-624x351.jpg)
7th September 2024 admin Category :
Boqorkii kubadda cagta ee reer Brazil, Pele ayaa geeriyooday isaga oo da’diisu ay tahay 82 jir. Pele ayaa saddex jeer ku guulaystay koobka adduunka, isaga oo ka mid ahaa, ciyaaryahanaddii ugu wanaagsanaa ee soo mara kubadda cagta.
Pele ayaa cusbitaal ku jiray, tan iyo dhammaadkii bishii November, waxaana dhakhaatiirtiisu ay sheegeen inuu Pele, la ildarnaa xanuunka cancer-ka, iyo xanuuno kale oo ugu darsamay oo ka haleelay dhinaca kelyaha iyo wadnaha.
Bishii September ee sannadkii 2021, waxaa lagu sameeyey qaliin lagaga jarayey buro uu keenay xanuunka Cancerku.
Pele ayaa markii uu jiray 16 jir wuxuu ku biiray xulka qaranka ee dalka Brazil, isaga oo sannadkii 1958-kii ku guulaystay koobkii adduunka ee dhacay 1958. Pele ayaa illaa haatan ahaa ciyaaryahankii ugu da’da yaraa ee goal ka dhaliya tartannada koobka adduunka ee ragga.
Pele ayaa markii uu ciyaaraha ka fadhiisanayey, 92 kulan oo caalami ah oo uu saftay wuxuu dhaliyey illaa 77 goal. FIFA ayaa intaas wixii ka dambeeyey waxay ay u xulatay Pele iyo Maradona inay ahaayeen labada ciyaaryahan ee qarniga.
BREAKING: Brazilian football star Pele has died at the age of 82, his agent has told the Associated Press
— Sky News (@SkyNews) December 29, 2022
More here: https://t.co/owWRcnVHyF
📺 Sky 501, Virgin 602, Freeview 233 and YouTube pic.twitter.com/cyf1X0UV6c