Maanta lama arag Bishii Shawaal, sidaas awgeed waxa a dhamaystirayaa 30 cisho ee bisha Ramadaan maalinta berito ah, Isniinta , 2nd May 2022 ayeey noqon doontaa haddii Allah idmo maalinta la ciidayo Cidul Al Fitr

Barnaamij soo koobaya horumarka ay degmada Badhan.

Buuq hareeyay baarlamaanka ka dib markii ay soo xaadireen xildhibaanadii Garbahareeyay iyo Ceelwaaq

Xarunta Villa Hargeysa ee magaalada Muqdisho ayaa la sheegaya in maanta buuq xoogan uu hareeyey ka dib kulan ay halkaas ku leeyihiin xildhibaanada cusub ee Golaha Shacabka ee Baarlamaanka Federalka Soomalaya.

Buuqa ayaa bilowday, kadib markii ay hoolka gudaha u galeen xildhibaanadii lagu soo kala doortay magaalooyinka Ceelwaaq iyo Garbahaarey ee gobolka Gedo oo kala ah deegaan doorashada koobaad iyo deegaan doorashada labaad ee Jubbaland.

Qaar ka mid ah xildhibaanada oo la hadlay Wariyeyaasha ayaa si adag uga hadlay arrintan, waxayna sheegeen in lasoo xareeyey xubno aan wadan kaararka aqoonsiga.

“Dad aan sharci aheyn oo aan heysanin kaarka aqoonsiga ayaa gudaha la soo geliyay waaana qaskii baarlamaanka laga waday 5 santiii sano ee la soo dhaafay,” ayey tiri mid ka mid ah gabdhaha xildhibaanada oo la yirahdo Faadumo Faarax Aadan deegaan doorashada labaad ee Ceel-Waaq.

Dhanka kale qaar ka mid ah xildhibaanada kale ee laga soo doortay Garbahaarreey ayaa iyanaga warbaahinta maxalliga ah u sheegay inay si sharci ah ku ku soo galeen baarlamaanka hase yeeshee weli ma cadda sida ay arrintan ku dhamaan doonto.

Sh. Aadan Madoobe oo si rasmi ah ula wareegay Guddoonka Golaha Shacabka

Guddoomiyaha cusub ee Golaha Shacabka Shiikh Aadan Maxamed Nuur ayaa maanta si rasmi ah xilka guddoonka golahaasi ugala wareegay Guddomiyihii Baarlamankii 10-aad Maxamed Mursal Sheekh Cabdiraxman.

Shirka Golaha Shacabka ee maanta ayaa ahaa kii u horreeyey ee baarlamaanku yeesho tan iyo markii Shiikh Aadan Madoobe loo doortay in uu noqdo guddoomiyaha baarlamaanka.

Kulankan ayaa sidoo kale waxaa goobjoog ahaa guddoomiye ku xigeenka koowaad Sacdiyo Yaasiin Xaaji Samatar iyo guddoomiye ku xigeenka labaad Cabdullahi Cumar Abshirow oo Khamiistii lagu doortay Muqdishu.

Aadan Madoobe ayaa gunaanadkii shirka ku dhawaaqay in Golaha Shacabku uu geli doono fasaxa Ciidda, islamarkaana uu dib kala fadhiyadiisa u bilaaban doono 4-ta bisha soo socota ee May.

Aadan Madoobe ayaa hore u soo qabtay xilka afhayeenka baarlamaanka, intii u dhexeysay sannadihii 2007 illaa 2010. Sidoo kale wuxuu soo qabtay xilal wasiirnimo oo ay ka mid yihiin Wasaaradaha Caddaaladda iyo Ganacsiga.

Ra’iisul Wasaaraha XFS Mudane Maxamed Xuseen Rooble ayaa booqasho iyo hambalyo ugu tagay guddoomiyaha cusub ee Golaha Shacabka BJFS Mudane Aadan Maxamed Nuur Madoobe iyo guddoomiyihii KMG ahaa ee Golaha Mudane Cabdisalaan Xaaji Axmed Dhabancad.

Ra’iisul Wasaaraha oo la afuray labada mas’uul ayaa guddoomiyaha cusub ee Golaha Shacabka ugu hambalyeeyay mas’uuliyadda Qaran ee loo doortay una rajeeyay guul.

Sidoo kale Ra’iisul Wasaaraha ayaa guddoomiyihii KMG ahaa ee Golaha Shacabka uga mahadceliyay howshii wanaagsaneyd ee uu soo qabtay isagoo ku amnaanay sidii uu hoggaamiyay howshii doorashada guddoonka Golaha Shacabka oo si guul ah ku soo idlaatay.

Booliska Soomaaliya” Atooraha Badda waxaa Dilay Saaxiibkiis Shuceeb Leeleefow gacanta ayaa lagu Hayaan

Doorashada Soomaaliya ee wakhtiga dheer qaadatay waxa ay ku dhowdahay gebagebo, ayada oo shalay lasoo geba-gebeeyey doorashada guddoonka labada aqal ee baarlamanka Soomaaliya.

Baarlamanka ayaa waxaa horyaalla shaqooyin badan oo ay ugu horeyso doorashada madaxweynaha, laakiin waxaa jira arrimo kale oo muhiim ah in laga shaqeeyo oo labada Aqal sugaya.

Doorashadii lagu doortay guddoomiyaha baarlamaanka waxeey ina tustay in Farmaajo iyo kooxdiisa ay u baahan yihiin ineey la yimaadaan qorshe ay kaga adkaan karaan kooxda Ahla Sheekh iyo Damun Jadiid. Waxaa Farmaajo iyo kooxdiisa doorashada guddoomiyha baarlamaanka ay u soo sharaxeyn Xasan Cabdi nuur, balse dhinaca Ahla Sheekh iyo Damun Jadiid waxeey keeneen Aadan Madoobe, Saransoor, Ca/laahi Black, Saadiq Ca/laahi iyo Ca/rashiid Xidig.

Haddii Farmaajo kelligiis uu teendhada tago, waxaa isugu tegidoona shakhsiyaadka ay ka midka yihiin Siciid Deni, Xasan Shiikh, Shiikh Shariif, Ca/raxmaan Cabdishakuur, Xasan Cali Kheeyre, Daahir Geele iyo inta kale ee musharixiinta ah ee ka kalla socda Ahla Sheekh iyo Damun Jadiid, marka taas waxeey noqoneeysaa in Farmaajo kelligiisa la isku celliyo loogana adkaado sidii musharixiinta baarlmaanka ay ku sameeyeen Xasan Ca/nuur.

Hadaba, Farmaajo iyo kooxdiisa waxaad moodaa ineey sahashadeen doorashadda baarlamaanka, ayna isa siiyeen guusha. Hadaba, Farmaajo sidee ayuu uga ku geelleeysan karaa musharixiinta Ahla Sheekh iyo Damun Jadiid?

Midda koowaad, waa in uu soo sharaxaa illaa tobbon qof oo ka kalla socda beelaha kalla duwan, shakhsiyaadkaasna waa in ay noqdaan kuwo firfircoon oo gallaangal ku sameeyn kara beelaha ay ka soo jeeddaan. Mid kasta waxa uu soo hello aakhirka waxaa la isugu shubbi doonaa Farmaajo.

Midda labbaad, maaddaama xubnaha baarlamaanka ay jeebka wax ka maqlaan waa in kor loo qaadaa lacagta miisaaniyadda ee loogu tallagalay doorashadda si loo hello codadka ugu badan.

Tan seddexaad, waa in deegaan deegaan loola kulmaa xubnaha baarlamaanka, iyada oo loo ballan qaadayo haddii doorashada lagu guulleeysto in laga fullinayo mashaariic deeggaanada ay ka soo jeedaan. Ballan qaadyada noocaas ah waxeey keeni karaan in xildhibaano badan ay codkooda ku bixiyaan meesha ay is leeyihiin deegaankiina ayaa ka faa’iidaya.

Waxaa dhab ah in haddii qodobadaas la sameeyo ay dhici karto in Ahla Sheekh iyo Damun Jadiid looga guulleeysto doorashada madaxtinnimadda dalka. Waxaan la soconaa in aysan sumcad fiican aysan laheeyn labba kooxood ee Ahala Sheekh iyo Damun Jadiid. Haddii ay xafiiska qabtaan, waxaa dhici doonta in mushaarka shaqaalaha jeebka lagu shubto, Gabrayaal badan ay iska soo buuxiyaan madaxtooyada, iyo in siyaasadda dalka oo dhan ay noqoto mid NGOyada faraha loo gelliyo.