Kuuriyada Waqooyi ayaa mamnuucday in dadka ay qoslaan inta lagu guda jiro baroordiiqda loo sameenayo madaxweeynayaashii hore oo ay ku jiraan madaxweeynaha hada heeysta awoowgii iyo aabihii.

Hadaba, dadka waxaa loo sheegay ineeysan qosli Karin muddo dhan 11 cisho, aysan cabbi Karin wax qamri ah, sidoo kalana ay ka tagaan wax kasta oo keeni kara farxad inta baroor diiqda ay socoto.

Hadii inta baroordiiqda lagu jiro uu dhinto qof ehelkaaga ah ma ooyi kartin, waana inaad dib u dhigataa oohintaada.  Waxaa jiray dad hada ka hor xili lagu jiray baaroordiiqda soo cabay qamri ama la qabtay iyaga oo qoslaya kuwaas oo loo taxaabay xabsi dib danbana aan loo arag.

Keenya: Turkiga iyo Masar ayaa tartan ugu jira dalka Keenya sidii ay saammeeyn ugu yeelan lahaayeen dalkaas. Dhawaan waxaa booqday dalka Masar sida uu sheegay wargeeyska Al-Monitor wafdi ka yimid dalka Keenya oo uu ku jiro agaasimaha Kulliyadda Difaaca ee dalka Keenya.

Markii ugu horeeysay, labada dhinac ayaa isku raacay arrimaha ku aadan hubka iyo aas-aasidda warshado hubka sameeya iyo taageerida warshadaha difaaca ee Keenya iyo weliba warshadaha caadiga ah. Sidoo kale, waxaa la filayaa in bisha soo socoto ee Janaayo ay wafdi ganacsi oo ka socda dalka Masar ay tegi doonaan daka Keenya.

Meejar. Jeneraal. Maxamed al-Zallart, oo ah madaxa Horumarinta Warshadahaa ee dalka Masar ayaa sheegay in dalkooda uu raadinayo in uu kor u qaado wadashaqeeynta dhinaca warshadaha iyo horumarinta xiriirka dhaqaale ee Keenya iyo Masar.

Dhaqdhaqaaqyada Masar ayaa dabba socda tallaabooyin ay horey u qaaday dawladda dalka Turkiga. Dalka Turkiga ayaa ka iibinaya 118 gaari oo ah kuwa dagaalka dalka Keenya, heshiiskaas ayaa dhacay bishii Juun. Iibka gawaaridan ayaa ka dhigaya dalka Keenya dalka seddexaad ee Afrikaan ah ee soo dhoofsanaya gawaarida dagaalka ee Turkiga

Masaarida ayaa dabba socota dalka Turkiga kadib markii uu Turkiga ka iibiyey dalal badan oo Afrikaanka hubka qeeybihiisaha kalla duwan oo ay ku jirto diyaaradda daroonka ah. Hadaba, Masaarida ayaa Iyana dooneeysa ineey hubkooda u iib geeyaan wadmada Afrikaanka ah si Afrika ay gallaangal ugu yeelato.

Masaarida ayaa aaminsan in hadafka ganacsi iyo militari ee Turkiga ka leeyahay Geeska Afrika ay qatar amni ku tahay dalkooda. Masaarida ayaa qatarta ugu xoogan ee ay dareemeeyso ayaa ah Wabiga Neelka oo uu muran xoogan kala dhaxeeyo dalka Itoobiya.