23rd October 2021  admin  Category :

Markaan tabar hayey Talo baanan hayn, hadda oo aan Talo hayana Tabar baanan hayn!!!

Wasiir Jamaal, afartii sano ee uu ahaa Wasiirka aan dhicin oo ay u dheerayd xildhibaanimadu oo uu Muqdisho wax kula waalaaqanayey Saaxiibkiis Farmaajo Kama hadlin dayaca iyo darxumada uu hadda tirinayo ee ka jirta degmadii uu u dhashay, kulamana uusan shaqayn maamulka degaamadaas ka dhisan hadday ahaan lahayd Puntland iyo kan Hayland balse waxa uu saaxibadiis Fahad iyo Farmaajo kala shaqaynayey sidii ay Puntland u burburin lahaayeen iyaga oo dhaqaale lagu horomarin karo adeegga liita ee Dhahar ku bixiyey sidii meesha looga saari lahaa maamulka puntland.

Inkasta oo aanan taageersanayn in mawaadiniinta Somaaliyeed ee dalkooda isaga dhex gooshaya safaradooda la car qaladeeyo, haddana Jamaal ma mudna in la soo dhoweeyo ee waxa ay ahayd in lagula xisaabtamo eedaynaha loo tirinayo, balse wax matare kasta marka uu Fashilmo wuxuu hoos galaa Qabiilkiisa.

Haddaba reer Hayland ha waydiiyeen 4tii sano ee uu xilka hayey waxa uu dal iyo dad u qabtay? maanta oo waqtigii ka dhammaaday waxa uu ula soo gurya noqday?Yeeyse ka gadmaysaa maanta waxaan idiin dhagax dhigayaa Airport!!!! miyasan arrintaasi ahayn MARKAAN TABAR HAYEY TALO MAHAYN, MAANTA OO AAN TALO HAYONA TABAR BAANAN HAYN!!!!!

BY: Cabdirashiid Cumar

2 thoughts on “Markaan tabar haysey maxaad qabatay?

  1. Yoonise

    Waxaad moodaa qoraal ku inuu ku haboonyahay wasiir jamal habdhaqankiisa liita ee fashilka ah, wasiir Jamaal waa nin reer Puntland ah waa nin reer maakhir ah waa nin reer hayland ah waa nin Harti ah waxaa sharaf u ahaan lahayd haduusan dadkiisa waxba u tarayn inuu hagardaamada iyo dhibaatada ka daayo sida kuwa kale ee asaga la midka ah ee Puntland ugu jiray dowlada dhexe ay yeeleene kuwaas oo noqday wax matarayaal shaqo tegay balse laga nabad galay dhibkooda. Wasiir Jamaal wuxuu dube u qaatay duminta Puntland iyo kala dhantaalideeda oo uu habeen iyo maalin u taagnaa sidii loo dhibaataynlahaa Puntland iyo dadkeeda ogow hada Dhahar iyo Highland waa qayb ka mida Puntland caqliga ah afar sano meeshii aan dhibaatada ku ahaa ayaan markii wakhtigii kooxdaydu dhamaaday oo aan fashilanay waxka qabanayaa oo dhagaxyo dhigayaa waxaan oranlahaa war dadka ka xishood wajigaagana ka qari. Reer highland waxaan oranlahaa Jamaal runta u sheega kuna dhahaya dadkii aad lugooynaysay afarta sano ayaan ka midnahaye nadaa oo naga tag.

    Reply
  2. Abdulrazak Osman

    Jaf-jafkii labadii Boqol ee Malyan Wasiir Jamaal ii waydiiya!.

    Sanadkii 2017dii aniga iyo Xildhibaaano kale oo wakhtigaas ka tirsanaa Baarlamaanka Puntland waxaan safar ku tagnay Caasimadda Soomaaliya ee Muqdisho, Mas’uuliyiintii lakulankooda aan aadka rabnay waxaa ka mid ahaa Wasiirka Qorsheynta Soomaaliya Amb Jamaal Max’ed Xassan si aan u gala hadalo Arimo la xiriiray Saamiga Puntland ee Mashaariicda Wadanka ka socotay oo uu Gacanta ku hayey Wakhtigaas Wasiirku.

    Wax yar ka hor wakhtigaas Dowladda Qadar ayaa dalka Soomaaliya ugu deeqday lacag gaaraysa 200 oo Malyan oo Doollar, lacagtaas waxaa loogu deeqay Soomaaliya oo dhan si loogu horumariyo Kaabayaasha Dhaqaalaha iyo Mashaariicda kale ee horumarineed Waxaana heshiiskaas Dowladda Federaalka u Saxiixay Wasiir Jamaal oo kasoo jeeda Puntland, waana sababta aan u rabnay lakulankiisa Maadaama ay Puntland ka socdeen Mashaariic Horumarineed oo dhowr ah Dhaqaale badanna u baahnaa sida Wadada Ceel-daahir-Ceerigaabo, Airportka Garoowe oo Wasiirku Maanta kasoo dagay isaga oo Qurux badan iyo Wadada Garoowe-Gaalkacyo.

    Kulankayagii waxaan toos diiradda ugu saarray Dhaqaalaha Dowladda Qadar bixisay iyo inaan ka rabno Qoondadii reer Puntland ku lahaayeen, Wasiirku wuxuu noogu jawaabay lacagtaas waa la qorsheeyey Puntlandna kuma lahan wax Qoondo ah, Dooddii waxay gaartay in Mashruuca Wadada Ceel-daahir uu Wasiirku Dhaqaalahaas wax uga qoondeeyo.

    Haddii doodu ay muddo socotay aadna hadalka la isugu celceliyey la iskuna raftay ayaa Wasiirku yiri hadal Nuxurkiisu ahaa” Waxba idiin mahayo laakiin waxaan isku dayayaa inaan meelo ka mid ah kuwa Dhaqaalahaas loo qoondeeyey aan wax idiinka soo jaf-jafo, Hadalkaas waxaa aad uga carooday Xildhibaanaddii oo dhan waxaana ugu caro kululaa Xubno ay isku Deegaan hoose kasoo wada jeedeen Wasiirka.

    Sidoo kale Sanadihii lasoo dhaafay ee Wasiir Jamaal uu ahaa Wasiirka Qorsheynta Soomaaliya iyo Xildhibaan Golaha Shacabka waxaa aad loogu xaman jirey inuu ku jirey Xubno kasoo hor-jeeday Jiritaanka Dowladnimada Puntland, inuu ka mid ahaa Siyaasiyiin diidan Nidaamka Federaalka, inuu isku dayey marar badan inuu Puntland ka hor istaago Mashaariic badan oo ay xaq u lahayd iyo inuu had iyo jeer u taagnaa Jilaafeynta Puntland.

    Hadaba Maadaama Wasiir Jamaal uu Maalmahaan ku jiro Olola Doorasho, isla markaana uu doonayo inuu mar labaad Puntland ku matalo Baarlamaanka Soomaaliya waxaan jeclaan lahaa inuu noo sheego meesha uu galiyey ama ay ku danbeysay Jaf-jafkii labadii Boqol ee Malyan ee markhaantiga badan lahayd iyo inuu ka jawaabo eedaha badan ee wakhtiga dheer looga jeedinayey Miisaska Siyaasadda Puntland!.

    W/Q Hon Said Surcad.

    Reply

Leave a Reply

Your email address will not be published. Required fields are marked *

*