Khudbadii Wasiir Siciid Jamac Qorsheel ee dhagax dhiga Isbitaalka ugu weyn Puntland ee International Healthcare System (IHS).

Dhakhtarka caalamiga ah ee “International Health System” ayaa si rasmi loogu soo bandhigay caasimadda Garoowe. Dhakhtarka ayaa qorshihiisu yahay in uu daboolo baahiyaha caafimaad ee umadda Soomaaliyeed iyo dalalka Geeskaba.

Madasha bandhigga dhakhtarka ayaa waxaa ka soo qaybgalay madaxweyne ku xigeenka dawladda Puntland Mudans Ilyaas Cismaan Lugatoor, Wasiirka Caafimaadka Dawladda Puntland, Golaha Xildhibaannada Dawladda, Guddoomiyaha degmada Garoowe iyo qaybo ka mid ah golihiisa, wasiirro hore heer Puntland iyo heer Fedderaal, culimada, haweenka, dhallinyarada iyo qaybaha kala duwan ee bulshada. Madaxweyne kuxigeenka ayaa si rasmi ah u furay xafladda bandhigga madasha.