Madaxwayne Ku xigeenka Dawladda Puntland Axmed Cilmi Cismaan Karash iyo wafdi uu Hogaaminayo ayaa lagu soo dhaweeyay Degaanka Saaxmaygaag iyo Sankajabiye.

Waxaa soo gaadhay maanta deegaanka Sango-jabiye oo ka mid ah dhul daaqsimeed beelo walaalo ah dirir ku dhexmartay wafti uu hogaaminayo Madaxweyne kuxigeenka dowlada Puntland Axmed Cilmi Cismaan Karaash,kuwaas oo deegaanada Sango-jabiye iyo Saax Maygaag sii joogi doona maalmaha soo socda,illaa iyo inta la gaadhayo heshiis rasmiya oo lagu soo afjarayo colaada u dhaxaysa beelo walaalo ah.

Waftiga Madaxweyne kuxigeenka waxaa kusoo dhaweeyay Sango-jabiye qaar ka mid ah Issimadda Gobolka Sool, Cuqaal iyo bulshada deegaanka,waxaana dhexmaray isla maanta kullamo lagu gaadhey arrimo ay ka mid yihiin xabad joojin iyo in loo diyaar-garoobo bulshada labada dhinac-ba wada hadal iyo heshiis lagu soo afjarayo colaada dhiiga Sokeeye ku daadanayo.