Wafdi uu hogaaminayo Islaan Bashiir Islaan Cabdille oo ka yimid gobolka Mudug ayaa soo gaaray magaalada Garoowe. Wafdigan oo isugu jira odayaash iyo waxgarad ayaa u socda sidii xal loogu heli lahaa xiisada ka taagan magaalada Boosaaso.

Horay waxaa Garoowe ugu sugnaa Suldaan Siciid Suldaan Cabdisalaan iyo Isimo kale oo ka kala yimid gobollada Puntland, waxaana la filayaa in wixii khilaaf ah ee ka jira Puntland lagu dhameeyo qaab dhaqan iyadoo la kaashanayo cid kasta oo wax ka geysan karta nabadaynta.