Wakiilo ka kala socda ku dhawaad ​​60 dal oo Muslim ah ayaa ku shirsan Pakistan si ay uga wada hadlaan sidii looga hortagi lahaa masiibo bini’aadantinimo oo ka dhacda dalka ay deriska yihiin ee Afghanistan.

Ra’iisul wasaaraha Pakistan, Imran Khan, oo ka hadlayay shirka, wuxuu ka digay in xaaladdii banii’aadanimo ee ugu weyneyd ay saameyso Aghanistaan waa haddii beesha caalamka ay waxkaban weyso xaaladda.

Waxaa sidoo kale shirkan ka qeyb galaya ergo ka kala socota Mareykanka, Ruushka, Shiinaha iyo Midowga Yurub.

Balaayiin doolar oo taageero dhaqaale ah oo loogu talagalay dalka Afghanistan ayaa la xayiray markii Daalibaan ay xukunka la wareegtay bishii Agoosto.

Qaramada Midoobay ayaa ka digtay in dalkaasi uu qarka u saaran yahay xaaladdii bini’aadanimo ee ugu darneyd, iyadoo malaayiin qof ay wajahayaan macluul.

Xubno ka tirsan dowladda Daalibaan ayaa ku sugan shirkan, inkastoo aan si rasmi ah loo ogolaan doonin inay ka qeybgalaan. Ma jiro waddan si rasmi ah u aqoonsaday Daalibaan.

Doorashada afar kursi oo kamid ah golaha shacabka ayaa maanta lagu qabtay Xarunta Dugsiga tababarka Janeraal Kaahiye ee Magaalada Muqdisho, kuwaas oo degaan doorashadoodu tahay Somaliland.

Afarta kursi ee maanta la doortay ayaa waxaa ku soo baxay Xildhibaan Fowziyo Yuusuf Xaaji Aadan, xildhibaan Guuleed Biixi Cabdi, Xildhibaan Jaamac Maxamed Askar iyo xildhibaan C/llaahi Cusmaan Ducaale Sugulle.

Ra’iisal wasaaraha xukuumadda Federaalka Soomaaliya Mudane Maxamed Xuseen Rooble ayaa horay u faray guddiga maamulka Doorashada Somaliland in ay dardar geliyaan qabashada kuraasta doorashooyinka iyo sida laga maarmaanka u tahay hufnaanta doorashooyinka

Marka nin waalani sida ina Cali waraabe ku hogaaminayo waa tan oo kale. Aqoonsigii ay beesha Isaaq ku doonayen inay ku helaan dal u gaar ah oo Qaramada midoobay laga aqoosantahay ayaa hadda waxa laga raadiinayaa dalka Chile oo dhaca Galbeedka Koonfurta America

Maanta oo Sabti ah ayaa lagu soo gabagabeyn doonaa magaalada Istanbul shirweynaha Afrika iyo Turkiga iyadoo shirkan diiradda lagu saarayo ganacsiga iyo maalgashiga.

Madaxweynayaasha shirkaasi ku sugan waxaa kamid ah madaxweynaha Soomaaliya, Maxamed Cabdulaahi Farmaajo iyo xubno ka tirsan Gollaha Wasiiradda.

Ra’iisul Wasaaraha XFS Maxamed Xuseen Rooble ayaa xilka ka qaaday xubno ka tirsan Guddiga Xallinta Khilaafaadka Doorashooyinka kadib markii ay lumiyeen madaxbanaanidii guddinimo iyagoo ku milmay siyaasadda isla markaana ay baal mareen xeer anshaxa doorashada

Xisbiga Conservative-ka Britain, ee uu hoggaamiyo Ra’iisal Wasaare Boris Johnson, ayaa guuldarro culus kala kulmay doorashadii ku celiska ahayd ee golaha sharci dejinta, oo Khamiistii ka dhacday UK, taas oo  la sheegay in Xisbiga Conservative-ka uu lumiyay guud ahaanba mid ka mid ah Codadka goobihii doorashada, sida lagu muujiyay natiijooyinkii la soo saaray Jimcihii.

Kuriga North Shropshire oo laga soo dooranayey xisbigiisa 200 oo sano ayaa waxa ku guulaysatay Helen Morgan oo ka tirsan Xisbiga Liberal Democrats, Waxayna xisbiga Boris Johnson kaga adkaatay 23,000 cod

Doorashooyinkii Khamiistii la soo dhaafay ka dhacay  inta badan deegaanada England ayaa u muuqda in looga gacan sareeyo Xisbiga Conservative-ka.

Arrinkan ayaa imanaya xilli xubnaha Baarlamaanka Uk, la sheegay in ay ku guul dareysteen inay soo rogaan xannibaado cusub oo lagula dagaallamayo Covid.

Magaalada Istanbuul ee dalka Turkiga waxaa isugu tagay madax ka soctaa dalalka Afrika waxaana halkaa ka dhacaya Shirweynaha Madasha Iskaashiga Turkiga iyo dalalka Afrika. Waxaana loo arkaa shirkaan mid uu Turkigu ku doonayo inuu galaan-gal wanaagsan u yeesho isla markaana uu xoojiyo xiriirka uu la leeyahay dalalka Afrika. Waxyaabaha shirkaan iskaashiga xoogga lagu saarayo waxaa ka mid ah arrimaha dhaqaalaha iyo siyaasadda ee dalka Turkigu la leeyahay Afrika.

Shirkaan madaxda ka qayb galaysa waxaa ka mid ah madaxweynaha Soomaaliya Maxamed Cabdullaahi farmaajo wuxuuna kulan la yeeshay dhigiisa dalka Turkiga Recep Tayyip Erdogan. Qoraal lagu daabacay bogga Faceboog ee madaxtooyada Soomaaliya ayaa lagu yiri: “Labada Madaxweyne ayaa ka wada hadlay xoojinta xiriirka saaxiibtinnimo iyo iskaashiga qodotada dheer ee ka dhexeeya Soomaaliya iyo Turkiga, sidoo kale waxaa kulanka diirradda lagu saaray dardar gelinta qorsheyaashii hore ee iskaashiga dhinacyada amniga, waxbarashada, caafimaadka, dhaqaalaha, maalgashiga iyo horumarinta,”.

Kulankaan ay yeesheen Farmaajo iyo Erdogan ayaa qayb ka ahaa kulan doceedyo uu madaxweynaha martida loo yahay la yeellanayo madaxda Afrika ee shirka ka qayb galaya ee ku sugan dalkiisa.