Barnaamijka Ileyska VOA waxa uu toddobaadkan ku saabsan yahay musuq-maasuqa ka dhex-jira cayaaraha Soomaaliya kadib hadal-hayntii ka dhalatay gabar Soomaaliyeed oo tartanka cayaaraha orodada ee Jaamacadaha Adduunka ee FISU ku matashay Soomaaliya, taasi oo kaalinta hoose ee ay gashay soo jiidatay dareenka caalamka.
Wiilka qoyskiisu aysan Muslim ahayn ee ku guuleystay tartanka Qur’aanka Kariimka
Gobolka Minnesota ee dalka Mareykanka ayaa waxaa lagu soo gabagabeeyay tartanka Qur’aanka Kariimka, oo ka qeyb galeen ardey ka badan kun, kuwaasoo isaga kala yimid Waqooyiga Ameerika.
Tartankan Imam Al-Shatibi oo sanadle ah ayaa waxaa lagu bixinayaa abaalmarinno qaali ah.
Ilaa 500 oo arday ah ayaa ku tartamayay jusaska Qur’aanka, inkastoo ay u badnaayeen arday ka kala timid dalalka waqooyiga Mareykanka, haddana waxaa jiray kuwo uga soo qeybgalay aaladda Zoom-ka.
Tartankan oo sidoo kale ay arday Soomaali ah ka qeybgaleen, ayaa waxaa sidoo kale jiray kuwo caddaan ah oo kaalimo sare ka galay tartanka.XAYEYSIINhttps://7a7f1930de6d7d687273f7d8fc2335f2.safeframe.googlesyndication.com/safeframe/1-0-40/html/container.html
Sheekh Cabdiraxmaan Cabdi Yuusuf oo ka mid ah waaliddiinta ay muddada dheer carruurtooda ka qeybgalayeen tartankan, kana soo safray dalka Kenya oo BBC-da la hadlay ayaa sheegay in wiilkiisu uu tartankan ka qeybgalayay muddo uuna kasoo bilaabay jus Camma.
“Muhiimadda iyo weyninka uu Qur’aanku leeyahay darteed ayaan uga nimid meeshaas,” ayuu yiri.
Wiilkiisa Cabdullaahi Cabdiraxmaan oo ka mid ah carruurta ku dhalatay dalka Mareykanka ayaa kaalin ka galay tartanka.
Feysal Camuudi oo ka mid ah howlwadeennada tartanka ayaa BBC-da la wadaagay ardayda gashay kaalmaha sare:
1. Juska 30, qeybta wiilasha waxaa ku guuleystay Cimraan Duka
2. Juska 30, qeybta gabdhaha waxaa ku guuleysatay Usrah Cabdulraxmaan Cabdulle oo Soomaali ah
Arrinta cajiibka ah ayaase ah in mid ka mid ah ardayda kaalmiha soo galay waxaa ka mid ah wiil caddaan ah oo qoyskiisu aysan Muslim ahayn.
Cabdulkariim Gonazalez oo kasoo jeeda lka Mexico ayaa ku guuleystay kaalinta koowaad ee tartanka 10-ka jus ee Qur’aanka.
“Waa dadaal weyn oo uu sameeyay wiilkan, waxaan leennahay hambalyo,” ayuu yiri Feysal.
Maxamed al-Khadiib oo ah adeerka Cabdulkariim ee hooyadiis qaba ayaa sheegay inuusan fileyn guushan uu gaaray wiilkiisa.
“Markii la tirinayay ardayda kaalmaha gashay waan ka weynay, qofkii shanaad, afaraad, saddexaad iyo labaad. Markii magaca koowaad ee Cabdul….la yiri waxaan is iri wiilasha Soomaalida amay yihiin. Subxaanallaah Cabdulkariim ayuu noqday,” ayuu yiri.
“Runtii wax fudud ma ahayn in Cabdulkariim uu Xaafid noqdo, aniga dhan dareen ayaa i saaqay,” ayuu yiri.
Cabdulkariim oo 14 jir ah ma aha qof ku dhashay Islaamka laguna koriyay, sidaas darteed ma ahayn wax fudud inuu heerkan gaaro, sida uu adeerkiis sheegay.
“Ma aha wax fudud in adigoo carrabkaagu Isbaanish u bartay oo aan Carabi aqoon aad barato Qur’aanka,” ayuu yiri.
“Waxaan is barannay isagoo 11 sano iyo bar jira, wuxuu kasoo jeedaa qoys aan Muslim ahayn. Ma ogtahay dadka Mexico badankood waa Catholic (farac ka mid ah diinta Kirishtaanka) hooyadiis ayaa noqotay Muslim, isaguna Muslim ayuu noqday markii uu yaraa. Alxamdulillah Ilaah ayaa u fududeeyay,” ayuu yiri.
Maxamed ayaa sheegay in isaga iyo Cabdulkariim hooyadiis ay ka caawiyeen wiilkan inuu noqdo wiilkii ugu horreeyay ee Mexican ah ee tartanka Qur’aanka heerkan ka gaara.
Hooyadiis oo aan tartanka ku wehlin iyo dhammaanba qoyska kale oo aan Muslim ahayn ayaa toos u daawanayay Cabdulkariim.
“Ilaah ayaan ka baryayaa inuu noo fududeeyo in isaga dartiis ay kusoo Islaamaan qoysaska kale.” Ayuu yiri.
Waaliddiinta ayuu kula dardaarmay inay carruurtooda baraan Qur’aanka ayna tahya ammaano saaran waalid walba.
Guddoomiyaha Golaha Shacabka Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe), ayaa xafiiskiisa ku qaabilay Ku-xigeenka Ergeyga Qaramada Midoobay u Qaabilsan Kaalmaynta Soomaaliya Marwo Anita Kiki Gbeho.
Ku-xigeenka QM ayaa Guddoomiyaha ku boggaadisay shaqada uu qabtay Baarlamaanka intii uu socday kalfadhiyadii la soo dhaafay iyo doorkiisa odaytanimada leh uu ka cayaaray dib u heshisiinta dalka.
Dhanka kale waxay kawada hadleen in Barlamaanka ay kala shaqayn doonaan dhanka hormarinta iyo tababarada Xildhibaannada. Sidoo kale waxay isla soo hadal qaadeen dhamaystirka Dastuurka KMG ee Jamhuuriyadda iyo dagaalka lagula jiro kooxda Khawaariijta ah.
liiska xubnaha la dooortay ee golayaasha degaanka puntland ayaa lagu wareejiyey wasiirka Arimaha Gudaha
Safaaradda Shiinaha oo lacag ugu deeqday hay’adda maaraynta Musiibooyinka.
Safaaradda Shiinaha oo lacag ugu deeqday hay’adda maaraynta Musiibooyinka.Guddoomiyaha hay’adda maareynta musiiboyinka Qaranka mudane Maxamuud Macalim Cabdulle ayaa maanta xarunta dhexe ee hay’adda SoDMA ku qaabilay Danjiraha Dowladda Shiinaha u fadhiya dalkeena Fea Shengchao .Kulanka guddoomiyaha iyo safiirka Shiinaha waxaa goobjoog ka ahaa xubno katirsan madaxda hay’adda SODMA,
Safiirka ayaa guddoomiyaha ku wareejiyey lacag ka badan 150,000 oo dollar oo ay ugu talagaleen in lagu daabulo gargaar mucaawino ah oo hore ugu soo wareejiyeen hay’adda SoDMA kuwaas oo loogu talagalay in la gaarsiiyo deeganada khawaarjta laga xoreeyey,kuwa laga xoreyn doono iyo dadka ay saameeyen Abaaraha.
Kulanka sidoo kale waxaa looga hadlay in dowladda Shiinaha hay’adda ay ka caawiso Mashaaricda Horumarinta,Qalabeenta iyo dhisida ceelasha biyaha, tababarada shaqaalaha hay’adda, iyo sii xoojinta Xiriirka hay’adda iyo safaarada.
R/W Xamse oo kulan la qaatay Lataliyaha Dimuqraadiyadda ee Wasaaradda Arr/Dibadda Maraykanka
Ra’iisul Wasaaraha iyo Lataliye Warfaa ayaa iska xogwareystay xaaladda dalka, dagaalka ka dhanka argagixisada, qorsheyaasha horumarinta dimuqraadiyadda iyo xuquuqul-iinsaanka dalka.
Ra’iisul Wasaare Xamsa ayaa la wadaagay sida ay Xukuumadda Danqaran mudnaanta u siisay ilaalinta xurriyadda hadalka, madaxbannaanida saxaafadda iyo xaqiijinta xogsiinta shacabka ee arrimaha dowladnimada.
Dhankiisa, Lataliyaha Dimuqraadiyadda iyo Xuquuqul Iinsaanka Wasaaradda Arrimaha Dibadda Maraykanka Mudane Xamse Warfaa ayaa uga mahad-celiyey Ra’iisul Wasaaraha soo dhaweynta wanaagsan iyo kulanka miro-dhalka ah.
La taliyaha sare ee dhinaca Dimuqraaddiyadda iyo Xuquuqda Aadanaha Wasaaradda Arrimaha Dibadda ee dowlada Mareykanka Xamsa Warfaa oo Muqdisho soo gaaray maanta ayaa ka warbixiyay ujeedka uu u yimid Soomaaliya.
Gabadhii uu Madaxweynuhu Soddoga u ahaa ayaa isagii ka dartay.
Xaawo Axmed, oo uu qabo mid ka mid wiilasha madaxweynaha Soomaaliya Xasan Culusoow, oo dhowaana Mashruuca nin walboow ninkaaga ama Gabadhaada noolaysiido loogu magcaabay Gudoomiyaha Hay’adda Tayadhawrka Qaranka, ayaa ka dartay Sodogeed oo waxaan Xaaraan iyo musuqmaasaq, eex iyo qaraabo kiil aan ka shaqayn
Waxaa Magalada Lascanood Lagu Qabtay Munasibad Lagu Doranayay Hogaanka Sare iyo KU Xigeenkiisa KHAATUMO
Prime Minister Hamza inaugurates the National Blood Bank
Ra’iisul Wasaaraha Xukuumadda Jamhuuriyadda Federaalka Soomaaliya Mudane Xamsa Cabdi Barre, ayaa xarigga ka jaray Xarunta Bangiga Dhiigga Qaranka oo ay baahi weyn u qabeen bulshada Soomaaliyeed.
Ra’iisul Wasaaraha ayaa sheegay in Xukuumadda DanQaran ay xoogga saareyso horumarinta iyo soo-nooleynta adeegyadii bulshada oo ay ugu horreeyaan Caafimaadka iyo Waxbarashada.
Ra’iisul Wasaaraha ayaa ku ammaanay Wasaaradda Caafimaadka iyo Daryeelka Bulshada hirgelinta xaruntani oo ka tarjumeysa xaqiijinta yool muhiim ah, maadaama uu dalkeennu kamid yahay waddamada ay ka dhacaan musiibooyinka, taas oo lagama maarmaan ka dhigeysa in la helo xarun keydisa dhiigga.
Bangiga Dhiigga Qaranka oo la aas-aasay sannadkii 1976 dii ayaanan hawlgelin muddo ku dhow soddon sanno, waxaana dib-u-howlgelintiisu ay buuxin doontaa baahi weyn oo ay dadka Soomaaliyeed u qabeen in ay helaan keyd loogu hagaago dhiigga.
