M. Farmaajo iyo Federaalku waa ku saxsan yihiin inay Ciidan u diraan maamulka Hirshabelle.

Maamulka Hirshabeelee oo Alshabaaku go’doomiyeen, iyaga oo afarta jihoba ka qabsaday, si xor ahna u jooga magaalooyinka waaweyn ee Maamulka Hirshabelle, oo maantoo ugu danbaysana ka qabsadeen dabna saareen Tuulada Mukaydheere ee ka tirsan degmada Balcad ee gobolka Shabeelaha Dhexe, ayaa dawladda Federaalka dhowaan waxay ka codsadeen inay ciidan u soo diraan.

Madaxweyne ku xigeenka Hirshabeelle, Yuusuf Axmed Hagar Dabageed, ayaa sheegay inay iyagu dalbadeen ciidamada gobolka Hiiraan la geeyay, isagoo sheegay ujeedada laga leeyahay in ay tahay in ay dib ufuraan waddooyinka Shabaabku go’doomiyeen ee soo gala gobolka Hiiraan.

Fariintan ay maamulka sare Hirshabelle direen ayaa waxa si dhakhso ah uga jawaabay madaxweyne Farmaajo iyo Federaalka, wuxuuna u soo diray ciidan suga amniga maamulkaas oo xitaa madaxweynuhu iman karin nagaalada Beledweyn.

Dastuurka iyo sharciga Soomaaliya sidaan u fahmay waxa dagaal iclaamin kara oo qura Baarlamaanka, hase ahaatee madaxweynhu isaga oo tixgelinaya dhowrkan arimood ayuu ciidanka ugu diray maamulkaas:

1-Maamulka oo ka codsaday in Ciidan loo soo diro;

2- Inuu xoojinayo Federaalka;

3- Inuu ilaalinayo xaquuqda dadka laga tirada badan yahay sida beesha Shiidle ee Jareer weyn oo ku dulman alshabaab iyo beelaha Hawiye.

Wadamda ku dhaqmayey federaalka oo uu Maraykanku ka mid yahay, marka ay masiibo dabiici ah ku dhacdo gobol ka mid ah dalkaas ama dadku sameeyaan Kacdoon, gudoomiyaha gobolkaasi wuxuu waydiistaa madaxweynaha markaa jooga in la soo gaarsiiyo Ciidanka Qaranka, haddii uu dib u dhis u baahan yahay taas oo ay masiibaddu keentayna waxa jirta Ha’yad loogu talo galay oo la yiraahdo Federal Emergency Management Agency (FEMA).

Marna ma dhaci karto Wasir ama Xildhibaan Federaal ah inuu codsiga Gudoomiyihu u soo diray madaxweynaha ay joojiyaan ama hor istaagaan , Inta badan xisbi kasta oo ay ka tirsan yihiin waa ku taageeraan Gudoomiyaha in dadkooda wax loo qabto. Halka siyaasiyiinta Hawiye iyo kuwa Xawaadle maanta ay diidan yihiin in dadkooda culayska Alshabaab laga dul qaado.

Maalintii shalay Golaha wasiirada waxay soo saareen wareegto aan sharci ahayn oo haba yaraatee dawladnimadda iyo dhaqanka midna meel ka soo gelayn.

Marka hore, Ra’iisalwasaaraha iyo golaha wasiirasda Ciidanku ma hoos yimaadaan shaqona kuma leh, oo waa mid ka mid ah awoodda madaxweynaha uu Dastuurku gaarka u siiyey

Midda labaad, waa fool xumo iyo naxariis daro in nin Hargaysa, Garowe iyo Muqdisho AMISOM ku ilaalinayso ama ka soo jeeda inuu yiraahdo reer Hirshabeeloow argagixisadu siday doonto ha idin ka yeesho. Mahad Guuleed iyo Maareeye, xaaladda Burco iyo Berbera haddii a maanta ahaan lahaayeen sida Beledweyn, Janta ku disho, Buula barde, Buurane. Mahaday, Jowhar, Balcad, Xawaadlee, Qalimoow, Adan yabaal iyo Cadale ma diideen in ciidan la geeyo badbaadiya beelahooda.

Arinta kale oo yaabka leh, in badan oo Soomaalida ahna iswaydiinayaan waxa ugu wacan siyaasiyiinta Xawaadle ee Hawiye ayaa waxa ka mid ah, maxaa siyaasiyiinta beesha Xawaadle wax walba ugu horumariyaan SIYAASAD IYO KURSI. Haddii fatahaadi timaado waa inay siyaasadeeyaan, wax wada qaybsiga maamulka Hirshabeele waa in Qabyaalad lagu siyaasadeeyaa.

Maanta oo dadkoodii halis ku jiro oo ay ahayd inay la shaqeeyaan madaxweynaha Federaalka si umadda reer Hirshabelle loo bad badbaadiyo ayaa Goodax, Waare iyo Sanblooshe oo markii hore ay federaalka joogeena qabyaalad la joogay, hadana qabyaalad ka dhigaya in Alshabaab lala dagaalamo.

ALLSANAAG.COM

Waa gudoomiyha gobolka Geogia oo mdaxweynaha waydiistay Ciidanka Qaranta