21st May 2024  admin  Category :

Dalka Soomaali badan riyada u ah ee saboolnimada baahsan ay soo wajahday

Boqollaal kun oo Soomaali ah ayaa deggan dalkan ku yaalla Yurub, kuwo ayaaba jiilal ku faca, kuwana waxay halis u maraan sidii ay u gaari lahaayeen, kuwa kalana waxay naawilayaan rajo ah inay maalin uun tagaan.

Laakiin hadda tirakoobyada cusub ayaa muujinaya in dhibaatada qiimaha tamarta ay sababtay kororka ugu badan ee saboolnimada ba’an ee Ingiriiska muddo 30 sano ah.

Sicir bararka sare u kacay, kadib duullaankii Ruushka ee Ukraine, ayaa boqollaal kun oo qof geliyey saboolnimo aad u daran.

Tirada ayaa kor u kacday 12 milyan 2022-2023, kor u kac ah 600,000.

Tani waxay ka dhigan tahay heerka saboolnimada buuxda ee UK, inay hadda taagan tahay 18% – kor u kaca boqolkiiba 0.78.

Qoysas badan ayaa ku dhici lahaa saboolnimo buuxda haddaanay jiri lahayn taageerada dawladda.

Xoghayaha shaqada iyo hawlgabka Mel Stride, oo waaxdiisu soo ururisay tirooyinka n ayaa sheegay in wali yihiin kharashka nololsha ee ugu wanaagsan Yurub kaas oo qiimihiisu yahay celcelis ahaan £ 3,800 qoyskiiba.

cuntada uu ka kacay 8% shaqsiyaadka ilaa 11% halka saamiga aan awoodin in ay kululeeyaan guryahooda in ka badan labanlaabantay 4% ilaa 11%.

Sidaas oo kale tirada dadka sheegay inay isticmaaleen bangiyada cuntada bishii u dambaysay 0.9% ilaa 1.5%.

Xisbiga Shaqaaluhu waxay sheegeen in tirakoobku uu ahaa “mid laga naxo”

“Dawladda Conservative-ku waxay burburisay dhaqaalihii waxayna soo saartay sicir-bararka nolosha, waxayna ku riixday qoysaska dalka oo dhan faqri” ayay tiri Alison McGovern oo ka tirsan Baarlamaanka UK.

Tirooyinka ayaa ahaa “Kuwo laga sameeyo olale baraarug leh”, sida uu qabo xisbiga Libaraalka.

“Tani waa koror ba’an waxaana ka dambeeya tirooyinkan sheeko carruureed gaajaysan iyo qoysas aan awoodin inay kululeeyaan guryahooda,” ayay tiri Sarah Olney oo ah xildhibaan ka tirsan barlamaanka UK.

Shirley-Anne Somerville oo ka tirsan Xisbiga Qaranka Scotland ayaa tiri: “Waxaan sameyneynaa wax walba oo awoodeena ah iyo miisaaniyad xaddidan si aan wax uga qabanno saboolnimada Scotland.”

Leave a Reply

Your email address will not be published. Required fields are marked *

*