Carruur Soomaali ah oo lagu la’ yahay magaalada Qaahira

Waxaa wali la baadigoobayaa laba wiil oo ka mid ah saddex carruur Soomaali ah oo la waayay maalintii Talaadada, waxaana carruurtan ay da’doodu tahay 12 jir iyo 14 jir, iyadoo ay ugu war dambeysay markii ay iskuulka aadeen.

Mid ka mid ah saddexda carrurta ah oo ahayd gabar ayaa la helay habeenkii xalay iyadoo bedqabta.

Laamaha amniga ee magaalada Qaahira ee dalka Masar ayaa wali ku jira baadigoobka labada wiil ee wali maqan, sida u uku soo warramayo wariyaha VOA-da ee magaalada Qaahira Xuseen Cismaan Saxnuuni.