![](https://allsanaag.com/wp-content/uploads/2023/05/315845849_5507518699355403_4038509737738403843_n-624x417.jpg)
7th September 2024 admin Category :
Siyaasiyiintii horay ugu fashilmay hogaanka Puntland taageero ma ka haystaan Shacabka.
Gudoomiyaha guddiga doorashooyinka Puntland Cabdirisaaq Axmed Saciid, oo ka soo jeeda beesha Warsangeli, xilkan wuxuu hayaa muddo gaaban oo aad u yar, wuxuuna ku guulaystay mid ka mid ah Mashaariicda ugu waaweyn ee Puntland laga hirgeliyey intii ay jirtay, taas oo ay ku faani karto, oo horay siyaasiyiinta maanta Mucaaradka ah ee ka soo wada jeeda beesha Majeerteen, qaarkood lacagtii loogu talo galay ay musuqmaasaqeen, qaarna nin jeclaysi iyo siddii ay xilka ugu soo laaban lahaayeen ay waqtigoodii ay doorashada ku qaban lahaayeen ku lumiyeen,
Duli Labawejiilaha..dabar iyo lugooyiyo..dusha midabka nooga eg..
Gudoomiye Cabdirisaaq, wuxuu ku guulaystay in uu guud ahaan degaanada Puntland uu dhowaan ka qabanayo doorasho hal qof iyo hal cod ah, oo la mid ah midda ka dhacda caalamka intiisa kale. Gudoomiyuhu horay wuxuu ugu guulaystay inuu diiwaan geliyo dhamaan cod bixiyaasha qaan gaaray ee reer Puntland,
Mucaaradka maanta diidan in doorasho ka dhacdo Puntland , oo danahooda gaar ahaaneed ka arki waayey waxa ka mid ah Gudoomiyihii ka horeeyey gudoomiyaha hadda jooga Guuleed Saalax oo ku guul daraystay in xitaa xaafad ka mid magaalada uu degan yahay uu wacyi gelin ka qabto iska doorasho uu guud ahaan Puntland ka qabtee.
![](https://allsanaag.com/wp-content/uploads/2023/05/OIP-10.jpg)
![](https://allsanaag.com/wp-content/uploads/2023/05/FoCRQdHXwAASAkt-624x468-1.jpg)
Ugu danbayntii Mucaaradka Puntland ee u badan Siyaasiyiinta beesha Ciise Maxamuud ee Majeerteen oo gobolkoodii iyo magaaladdii Garowe ay ku dhismeeen dhaqaalahii lagu helay magaca Puntland, oo siyasiyiintoodii ka soo jeeday beeshooda ee Puntland soo hogaaminaysay ay sababeen in Gobolka Sanaag loogu yeedho dhul lagu muran san yahay, gobolka Soolna ay horay u gacan geliyeen maamulka SNM oo maanta dhiig ku daadanayo sii loo xorayn lahaa, hase ahaatee ay qaarkood weli doonayaan in Somaliland sii haysato, haddii ay iyagu Allah u mahad celin waayeen , xishoon waayeen oo ay i gaabin waayeen oo ay doonayaan in Sanaag laga guuro, Nugaalna ay horumar ku gaarto magaca Puntland maaha in laga xishooda ama wax lala sii wadaago. Waana kooxda Soomaali ugu jilicsan xaqiiqdii.
ALLSANAAG.COM