R/W Xamse oo khadka teleefonka kula hadlay Madaxweynaha Dowlad Deegaanka Itoobiya

Ra’iisul Wasaaraha Magacaaban Mudane Xamse Cabdi Barre oo khadka telefonka kula hadlay Madaxweyneynaha Dowlad Deegaanka Soomaalida Itoobiya Mustafa Maxamed Cagjar ayaa ka wada hadlay arrimo badan oo xaaladda dalka ku saabsan, isagoo ka guddoomay Hambalyo ku aadan magacaabistiisa.

Qoraal kooban oo uu Mudane Xamse Cabdi Barre ku daabacay bogiisa ayaa u qornaa sidan.

“Waxaan qadka telefoonka kula hadlay Madaxweynaha dowlad deeganka Soomaalida Itoobiya Mudane Mustafa Maxamed Cagjar isaga oo igu hambalyeeyay Xilka la ii magacabay.

Madaxweynaha waxaan ka wada hadalnay xaaladda Soomaalida dowlad deeganka Itoobiya iyo sida ay dowladda Soomaaliya ugu gaabisay mashaaricda Hormarinta Soomaalida kunool Jigjiga, Madaxweynaha Waxaan la wadagay in dowladda cusub ay garab tagan tahay walaalaheed JIGJIGA.

Ugu Dambeyntii waxaan ku heshiinay sidii Soomaalida Deegaanka u yahay Itoobiya ay qeyb ugu noqon lahaayeen Dowlad dhiska Soomaaliya.

Soomaali heshiisa, dunidane la heshiisa”.