7th September 2024 admin Category :
Madaxweynaha Dowlada Jubaland Mudane Axmed Maxamed Islaam, ayaa kulan la qaatay Safiirada dalalka Midowga Yurub ee Soomaaliya, iyadoo kulanka lagaga hadlayay arrimaha amaanka Soomaaliya iyo qorshaha ATMIS ee lagu badalayo howlgalka Midowga Afrika ee AMISOM.
Madaxweynaha ayaa ugu horayn ka hadlay xaalada amaanka Soomaaliya oo uu sheegay in ay wali gabi dhaclaynayso isla markaana uuna muuqan hanaan isku xiran oo lagaga shaqaynayo amniga dalka.
Waxaa Madaxweynuhu uu sheegay in howlgalka Midowga Afrika ee AMISOM uu shaqo Wanaagsan soo qabtay bilowgii kaas oo lagu xoreeyay qeybo badan oo dalka kamid ah isla markana natiijooyin wax ku ool ah laga gaaray balse sanadihii danbe uu noqday Mid fadhiid ah oo aan u shaqeyn sidii loogu talagalay taas oo sababteeda ay leeyahiin Dowlada Federaalka ah wadamada ciidamadu ay ka joogan Soomaaliya iyo deeq-bixiyayaasha.
Madaxweynuhu wuxuu intaas ku daray in Dowlada Federaalka ah ay ka gaabisay hanaanka isku xirka amniga qaranka isla markana ay Ciidamada Dowlada u isticmaashay arrimaha siyaasada taas oo qeyb weyn ka ah gaabiska dhinaca amniga ah ee ka jira Soomaaliya iyo sidoo kale inay dayacday fursadahii hogaaminta howlgalka AMISOM iyo diyaarinta Ciidamo qaran oo dalka oo dhan laga qoray oo mustaqbalka la wareega amniga dalka.
Waxaa Madaxweynahu uu xusay in Dowlada Federaalka ah ay ka baxday heshiisyadii amniga ee ay wada gaareen dhamaan saamileyda Soomaaliyeed iyo saaxiibada caalamiga ah sida heshiisyadii amniga ee Baydhabo iyo London ee sanadkii 2018.Dalalka ay Ciidamadu ka joogaan Soomaaliya ayuu Madaxweynahu sheegay in ay qeyb ka yihiin gaabiska ku yimid howlgalada AMISOM iyagoo faragalin ku sameeyay siyaasada gudaha ee Soomaaliya isla markana dhumiyay shaqadii ay ciidamadoodu u joogeen dalka.
Dhinaca kale Madaxweynahu wuxuu sheegay in qorshaha kala guurka ee amniga dalka uu yahay Mid Wanaagsan balse uu u baahan yahay ka go’naansho iyo fulin dhab ah inkasto intaasba aan looga baran Dowlada Federaalka ah.
Ugu danbayntii Madaxweynaha Jubaland Mudane Axmed Maxamed Islaam, ayaa sheegay in dagaalka Al-Shabaab guul lagaga gaari karo in la helo isku xirnaanta Hay’adaha amniga Soomaaliya iyo in la qaado howlgal midaysan oo dalka oo dhan ah si ayna iskugu gurman Midowga Yurub iyo deeq-bixiyayaasha ayuu Madaxweynahu xusay in baahi weyn loo qabo isla xisabatan dhab ah oo la xiriira deeqaha amni ee dalka la siiyo inay noqdaan kuwo miro dhal ah oo laga gaari karo hadaf sax ah.
![May be an image of 8 people, people standing and people sitting](https://scontent-yyz1-1.xx.fbcdn.net/v/t39.30808-6/275251339_2511787458955178_9062796424950205803_n.jpg?_nc_cat=105&ccb=1-5&_nc_sid=730e14&_nc_ohc=8ePPX5IeC_AAX_YLHrZ&tn=AWw7yO9Chb9kB8sP&_nc_ht=scontent-yyz1-1.xx&oh=00_AT9R60eYdDFcSMZnS5WOVeiRlcSzQaJ8lW6ILfjyeHLt0Q&oe=623A41EC)
![May be an image of 3 people and people sitting](https://scontent-yyz1-1.xx.fbcdn.net/v/t39.30808-6/275957488_2511787642288493_5386088140515843134_n.jpg?_nc_cat=102&ccb=1-5&_nc_sid=730e14&_nc_ohc=_pmHcTg8UBcAX_koiwI&_nc_oc=AQkX8RT-Zsnjd5wry2yKfo4aL1AxhokAwHGJmRqcN0Zwp8pXm-2tRWOb1Xl9aTy7Q9c&_nc_ht=scontent-yyz1-1.xx&oh=00_AT82exTcyJYyix_C0YTGGUZEKdcnRdGcbYoTreIaqa4R3w&oe=623A6ACE)
![May be an image of 3 people and people sitting](https://scontent-yyz1-1.xx.fbcdn.net/v/t39.30808-6/276118226_2511787618955162_2267142443231370825_n.jpg?_nc_cat=106&ccb=1-5&_nc_sid=730e14&_nc_ohc=TyjadnuPR88AX8GxO-g&tn=AWw7yO9Chb9kB8sP&_nc_ht=scontent-yyz1-1.xx&oh=00_AT_nZW8bhFRMx0SQQ3Q8ICcyl__V4sAwOahwfDmASwW0TA&oe=62397274)