Madaxweynaha Dowlad Goboleedka Jubbaland Mudane Axmed Maxamed Islaam ayaa caawa xarunta Madaxtooyada ku qaabilay xubnaha Xildhibaannada Golaha Shacabka ee maanta lagu doortay Jubbaland.

Madaxweynaha Jubbaland ayaa u hambalyeeyey Xildhibaanadan la doortay ee kamid noqonaya Golaha Shacabka ee Baarlamaanka Federaalka Soomaaliya. Waxaa uu kula dardaarmay ka shaqeeynta midnimada Ummadda Soomaaliyeed iyo sidii looga shaqeeyn lahaa samatabixinta dalka.