Golaha Badbaadada Qaranka oo loogaga dhawaaqay Muqdisho

Gole loogu magac daray Golaha Badbaadada Qaranka ayaa goor dhow loogaga dhawaaqay magaalada Muqdisho.

Wasiirka Arrimaha Gudaha Puntland Maxamed C/raxmaan Dhabancadde ayaa akhriyay War-Saxaafadeed ay ku mideysan yihiin Madaxweynayaasha Puntland, Jubbaland, Guddoomiyaha Aqalka Sare iyo Midowga Musharraxiinta.

Golaha Badbaadada Qaranka ayaa waxaa Guddomiye looga dhigay Guddomiyaha Aqalka Sare Cabdi Xaashi Cabdullaahi.

Golaha waxaa ku mideysan Madaxda maamulada Jubbaland, Puntland iyo Midowga Musharaxiinta.

Sida lagu sheegay warsaxaafadeedka laga soo saaray kulan ka dhacay maanta magaalada Muqdisho golahan ayaa ah mid ka shaqeynaya hanaanka doorashooyinka dalka iyo sidii dalka hore loogu socodsiin lahaa maadaama dowladda dhexe ay ku fashilantay.