Yaa gobolka Sanag ka kireeyey  qayb ka mid ah maleeshiyaadka Isaaq ee SNM.

In qaybo ka mid ah Maakhir, gaar ahaan Buuraha Calmadow in maanta xoog lagu haysto, dadkii ku noolaana laga Barakiciyo waxa sabab u ahaa :

1-Madaxda Maamulka Puntland oo dano gaar ah ka leh buurahaas,

2-  Reer Maakhir  oo u fududeeyey damacii madaxda Puntland, sababtoo ah    intooda badani waa ka aamuseen   bilowgii sheekadani bilaabantay in saldhigyo laga samaysto buuraha Calmadow. Wxay ahayd inay ka hadlaan oo ka hortagaan

3- Koox reer Maakhir ah oo fududaatay una  sahlay damacii madaxda Puntland ee Aaran jaan waqtigaas iyo in kale oo Seef la boood reer Maakhir ah oo  waali ku taageertay kooxdii fududaatay ee Buurta gashay oo u habar wacatay Jin iyo Jaan

Maanta mid tii la mid ah ayaa ka jirta  ama ku soo socota  Maakhir, labo maleeshiyaad oo ka soo kala jeeda beelaha Isaaq ayaa qaarna dhinaca  Bari laga soo hubaynayaa kuwa kale galbeed ka soo socdaan. Halka laysku arki doono oo dagaalkoodu ka dhici doonana  ay noqon doontaa degaan ka mid ah  Soolka gobolka Sanaag ,  degaanada Xadeedka iyo Buuraha Karkaarka.

Maleeshiyaadka Isaaq, dagaalkan  ka dib kii guulaysataba  wuxuu saldhig ka samaysan  doonaa  Dhahar iyo Xingalool inta u dhaxaysa. Waxayna ku dhawaaqi doonaan in  Xadkii Talyaaniga iyo Ingiriiska  la soo xiray. Caada qaataayshii Warsangelina waa u ilaalin doonaan xadkooda. Maleeshiyaadkii Isaaq ee Bari iyo galbeed ka kala  yimidna waa heshiin doonaan. Axmed Taaran, Faroole, Shido iyo Ina Siciid Samatar waa sidii ay doonayeen.

Hadaba su’aasha is waydiinta mudan ayaa waxay tahay yaa ka kireeyey SNM gobolka Sanaag ? Yaa u ogolaaday Jabhadka  Habar yoonis ah iyo ciidankiisu inay  gobolka si xor ah u dhex maraan.

Madaxdii Puntland ee  10 sano ka hor ku abuuray argagixisada   Buuraha Calmadow,  iyaga oo ku gabanaya maamulka Puntland ayaa maantana wata  qorshahan ah   in  saldhigyo laga siiyo   maleeshiyaad SNM gobolka Sanaag.

Bulshada reer Maakhir, oo horay Faroole iyo Aaran jaan u  soo tijaabiyeen markii Duhur cad ay  Shacabkii  reer Galgala ay  ka Barakiciyeen   degaanadooda, iyaga oo ka gubaya  Dalagyadii kala gedisanaa ee  ay beeran jireena, iyagu Waa aamusan yihiin oo waxay sugayaan  Caare iyo Taaraan waxay samayn doonaan.

Aaran Jaan oo Faroole  horboodayo iyo GBP oo ah haraagii Jaamac Cali Jaamac iyagu fal kasta oo ay sameeyaan cabsi kama qabaan FAL CELINTA  reer Maakhir

. Bulshada reer Maakhir ee aamusnaa  maalintaa natiijada iyo naxariista Aaran jaan ayeey sugayeen, sida ay hadda yihiin . Waana tan keentay  Dad- qal ka yimid  Baydhabo iyo Beer inay xooga ku joogaan buuraha Calmadow.

Ugu danbayntii waa in si deg deg ah looga mamnuucaa gobolka Sanaag maleeshiyaad hubaysan oo si xor ah u dhex maraya inta u dhaxaysa Ceerigaabo iyo Qardho. Waana in loo howl galaa sidii  Dadqalatooyinka looga saari lahaa Buuraha Calmadow. Gudoomiyaha Baarlamaanka Puntland oo gobolka metelana waa in uu mowqifkiisa muujiyaa inuu Aaran jaan iyo caare la socdo iyo inuu ka qayb qaadanayo joojinta maleeshhiyaad hubaysan oo gobolka si xor ah u dhex mara

Allsanaag.com

https://youtu.be/0UId3NzPOME