20th September 2024  admin  Category :

Xiisadda ka dhex taagan Britain iyo Ruushka oo ka sii dartay

Safaaradda Britain ee Moscow

Waxaa cirka isku sii shareeraya xiisad diblomaasiyadeed oo ka dhex taagan Britain iyo Ruushka.

Xiisaddan ayaa soo billaabatay ka dib markii Ruushku uu dalkiisa ka soo eryay lix ka mid ah diblomaasiyiinta Britian oo ay ku eedeysay inay ku lug lahaayeen howlo basaasnimo.

Tallaabada Ruushka ayaa loo arkaa mid ka dhalatay caro uu ka qaaday doorka London ee taageerada milatari ee la siiyo Ukraine.

Britain ayaa ku tilmaantay eedaha Ruushka ee shaqaalaheeda Arrimaha Dibadda “olole gardarro ah oo aan hore loo arag oo aan sal iyo raad toona lahayn,”, waxayna u yeertay safiirka London u fadhiya Ruushka.

Leave a Reply

Your email address will not be published. Required fields are marked *

*