Wasiirka Kalluumaysiga oo Ankara kula kulmay Wasiirka dhaqaalaha ee Dalka Turkiga

Ankara- Turki – 17 –Maarso -2018. Waxaa magaalda Ankara ee dalka Turkiga ku sugan wafdi uu hogaaminayo Wasiirka Wasaaradda Kalluumaysiga iyo Kheyraadka bada ee Xukuumada Federaalka ah ee Soomaaliya mudane Cabdiraxmaan  Maxamed Cabdi Xaaashi  iyo Mas’uulyiin kale, waxayna kulamo kalda duwan la qaateen Mas’uuliyiin ka tirsan Dowladda aan walaalaha nahaay ee  Turkiga .

Wasiirka oo uu wehlinayay Danjiraha Soomaliya u fadhiya dalka Turkiga  Danjire Jamac Cabdullahi Maxamed Caydiid ,Senator  Ilyas Cali Xasan iyo lataliyaha Wasiirka   ayaa la qaatay kulamo kala duwaan Wasiirka Dhaqaalaha ee dalka Turkiga Mudane Nihat Zeybeci iyo Madaxa  hay’ada Horumarinta Caalamiga ah TIKA Dr Serdar  Cam.

Wasiirka ayaa kala hadlay  Wasiirka Dhaqaalaha ee dalka Turkiga madane Nihat Zeybeci  intii uu socday shirka sidii  loo hormarinlahaa kalluumaysiga dalka Soomaaliya, maadaama Dowladda Soomaaliya ay baahiwayn uqabto ka faa’idaysiga kheyraadka dalka, si  shaqo abuur loogu sameeyo dhallinyarda shaqo la’aanta ah  ee ku nool wadanka gudihiisa  .

Sidookale Wasiirka Wasaaradda Kalluumaysiga iyo Kheyraadka badda Mudane Cabdiraxmaan Maxamed Cabdi Xaaashi  iyo madaxa hay’ada horumarinta Caalamiga ah TIKA Dr Serdar  Cam ayaa ka wada hadlay  intii uu shirka socday sidii ay TIKA uga caawin laheyd qalabka kalluumaysiga kalluumaysatada Soomaaliyeed, ugana hirgalin laheyd Warshadaha kalluunka gudaha dalka Soomaaliya  si ay bulshada Soomaaliyeed uga faa’idaystaan kheyraadka dalkooda.

Madaxa hay’ada TIKA Dr Serdar  ayaa si diiran u soo dhaweeyay kulanka Wasiirka  kuna tilmaay wax lagu farxo ayna ka  go’antahay sidii ay uga hirgalin lahayeen mashaariicyo farabadan gudaha dalka Soomaaliya  ay ugu horayso kheyraadka dalka uu leeyahay.