Taageerayaasha madaxweynihii hore ee Brazil oo xoog kula wareegay baarlamaanka dalkaas

Taageerayaasha madaxweynihii hore ee Brazil Jair Bolsonaro ayaa Axaddii waxay xoog ku galeen aqalka Congress-ka ee dalkaas ee ku yaalla caasimadda dalkaas, iyaga oo u baxay saqafka sare, halka qaarkoodna ay jejebiyeen muraayadihii qaadaha ee dhismahaas.

Banaanbaxayaal kale ayaa iyaguna isugu soo baxay afaafka hore ee Madaxtooyada iyo Maxkamadda Sare, inkasta oo aan la ogeyn inay ku guuleysteen inay gudaha u galaan dhismayaasha maxkamadda sare iyo madaxtooyada.

Dhacdooyinkan, oo u eg weerarkii lagu qaaday aqalka Congress-ka Maraykanka bishii January 6-deedii ee 2021, ayaa ku soo beegmaya iyada oo toddobaad uun ka hor, xafiiska madaxweynaha loo dhaariyey madaxweynaha u janjeedha dhinaca bidix ee Luiz Inacio Lula da Silva.

Taageerayaasha Bolsonaro ayaa tan iyo 30-kii bishii Oktoobar waxay dhigayeen mudaharaado ay uga soo horjeedaan guusha doorashada madaxweyne Lula da Silva, iyagoo xidhay waddooyinka, mararka qaarna dab qabadsiiyay baabuur, waxayna isku urursadeen bannaanka dhismayaasha militariga, iyagoo weydiistay xoogagga hubeysan inay soo farageliyaan.

⚠️#BREAKING | 📍#BRAZIL

THE NATIONAL CONGRESS BUILDING IS BEING TOTALLY OCCUPIED BY PROTESTERS
pic.twitter.com/tDKIMcIkiR

— Direto da América (@DiretoDaAmerica) January 8, 2023