![](https://allsanaag.com/wp-content/uploads/2019/06/IMG-20190627-WA0039-624x416.jpg)
8th September 2024 admin Category :
Soomaaliya oo Khayraadkeeda Kusoo Bandhigtay bandhig Carweed lagu qabtay Shiinaha
Ra’iisul Wasaare ku-xigeenka dalka, mudane Mahdi Maxamed Guuleed (Khadar), iyo wafdi uu hoggaaminayo oo ku sugan gobalka Hunnan ee dalka Shiinaha ayaa maanta ka qayb qayb gelay carwo dalalka Afrika iyo Shiinuhu ay kusoo bandhigayeen khayraadka iyo waxyaabaha kale ee ay haystaan ee dalalka kale loo dhoofin karo si ganacsiga ka dhexeeya dalalka sare loogu qaado.
Wafdig uu Ra’iisul Wasaare ku-xigeenku hoggaaminayo ayaa carwada kusoo bandhigay khayraadka uu dalka Soomaaliya uu leeyahay si ay ka qayb galayaashu xog buuxda uga helaan ayna kula laabtaan dalalkooda si ay Soomaaliya uga faa’iidaysato baahiyaha ay dalalka kale u qabaan khayraadka iyo wax soo saarka dalka.
Carwada ayaa waxaa ka qayb galay dhammaan mas’uuliyiintii goobjoogga ka ahaa munaasabadda daah-furka dhoofinta ganacsiga iyo dhaqaalaha ee ka dhexeysa Shiinaha iyo Afrika iyo madasha iskaashiga ganacsiga iyo dhaqaalaha Shiinaha iyo Afrika.
Shiinaha iyo Afrika ayaa samaytay madal iskaashi ganacsi iyo dhaqaale oo ay ku midaysanyihiin, taas oo u gogol xaaraya in si wadajir ah loo horumariyo ganacsiga ka dhexeeya Afrika iyo dalka Shiinaha.
![](https://sonna.so/wp-content/uploads/2019/06/IMG-20190627-WA0040.jpg)
![](https://sonna.so/wp-content/uploads/2019/06/IMG-20190627-WA0039.jpg)
![](https://sonna.so/wp-content/uploads/2019/06/IMG-20190627-WA0041.jpg)
![](https://sonna.so/wp-content/uploads/2019/06/IMG-20190627-WA0042.jpg)
![](https://sonna.so/wp-content/uploads/2019/06/IMG-20190627-WA0043.jpg)