Alshabaabka oo gacan ka helay maleeshiyaad u shaqeeya Somaliland oo qabsaday Xabaal Shaawacle

Wararka ka imaanaya Gobolka Sanaag, ayaa sheegaya in kooxda Al-shabaab ay la wareegtay Degaanka lagu magacaabo Gurya-samo oo ku yaalla inta u dhaxaysa badhan iyo Laasqoray Laasqoray ee Gobolkaasi.

Koox hubaysan oo tiradooda lagu qiyaasay ilaa 50 dagaallame, islamarkaana ka tirsan Al-shabaab, ayaa gelinkii dambe ee Shalay la wareegay Degaanka Gurya-samo, halkaas oo ay ka samaysteen dhufaysyo ciidan.

Maalin ka hor Ciidamada ammaanka DG Puntland ayaa xaqiijiyay in ciidanku gacanta ku dhigeen hub si sharci darro ah looga keenay dalka oo qaab qarsoodi ah lagu doonayay in lagu geliyo deegaannada gobolka Sanaag

Ciidanka PSF-ta ayaa sheegay howlgal dhanka badda ah oo ay ka fuliyeen xeebaha Laasqoray,Ceelaayo & Cadcado ay kusoo qabteen hubkaan oo aysan sheegin inta uu gaarsiisan yahay, nuucyadiisa iyo ujeedka laga lahaaBaaris ayay sheegeen laamaha ammanka in ay ku hayaan shaqsiyaadka ay kusoo qabteen oo aysan soo gudbin tiradooda, balse ay shaaciyeen in ay soo bandhigayaan marka su’aalo weydiintooda ka dhameystaan.