Ra’iisul Wasaare Xamse Oo Kulan La Qaatay James Swan

Ra’iisul Wasaaraha Xukuumadda Federaalka Soomaaliya Mudane Xamse Cabdi Barre oo xafiiskiisa ku qaabilay, Ergayga gaarka ah ee Xogyaha guud ee Qaramada Midoobay u qaabilsan arrimaha Soomaaliya, James Swan, ayaa kala hadlay xoojinta taageerada hay’adaha Qaramada Midoobay ay siiyaan Soomaaliya.

Wakiilka Qaramada Midoobay James Swan, “ Waxaan  kugu hambalyeeynayaa Ra’iisul Wasaare, ansixinta xukuumadda iyo Barnaamijkeeda oo shalay ay meel mariyeen Golaha Shacabka, Waxaadna xaqiijiseen sida ay idin kaga go’an tahay , Silamid ah hay’adaha Qaramada Midoobay  Waxay diyaar u yihiin taageeradooda Soomaaliya”. Ayuu yiri James Swan.

Ra’iisul Wasaaraha “ Waxaan uga mahadcelinayaa hay’adaha Qaramada Midoobay taageerada ay nala garab taagan yihiin, Xukuumaddaydane Waxay diyaar u tahay in ay si dhow u wada shaqeeyaan, si loo xaqiijiyo guulaha la hiigsanayo”. Ayuu yiri Ra’iisul Wasaare Xamse.