Farmaajo oo dalacsiiyey Garabkiisii Maleeshiyadkii Mareexaan ee ku dagaalamay Gedo

Madaxweynaha Dowladda Federaalka Soomaaliya Maxamed Cabdullaahi Framaajo ayaa  min hal darajo dalacsiiyay Maleeshiyadkii Mareexaan ee garabkiisa ahaa, oo dhowaan dagaal ku dhex maray Maleeshiyaad kale ee isla beeshaas ah degmada Beladxaawo ee Gobolka Gedo.

Wafdi uu hogaaminayo Wasiirka Warfaafinta, dhaqanka iyo Dalxiiska ee Xukuumadda federaalka Soomaaliya  Cismaan Abokar Dubbe oo ay qeyb ka ahaayeen Wasiirada Difaaca, Cadaaladda iyo Saraakiil ciidan ayaa markii ay gaareen Degmada Beladxaawo gaarsiiyay ciidamada fariintii ay u wadeen, oo ahayd in min hal darajo la dalacsiiyay.

Ujeedka socdaalka wafdigaan ay ku tiyoageen Beledxaawo ayaa ah u kuur gelidda xaaladda dhabta ah ee ka jirta magaalada, la kulanka maamulka Maleeshiyo beeleedka taageersan Farmaajo , qeybaha bulshada ku dhaqan Beladxaawo, waxaana ay kormeer ku sameen doonaan aagga hore ee Maleeshiyaadka Farmaajo ku suganyihiin iyo goobta lagu hayo maxaabiistii ay ciidamada ku soo qabteen duulaankii ay soo qaaden Ciidanka Jubbaland ee uu hoggamiyo C.rashiid Janan