Ciidanka Puntland oo Burburiyey Saldhigyo Alshabab Lahayd 15 Kamid ahna Diley

Ciidanka Amniga Puntland (PSF) waxay 48-kii saac ee la soo dhaafay (22-23 November 2018) ka fuliyeen Buuraleyda Madarshoon iyo Diingle ee Buuraha Cal Madow hawlgal dagaal oo ka dhan ah cadowga Al Shabaab ee ku dhuumaalaysta buurahaas.

Ciidanka PSF waxay hawlgalkan ku bartilmaameedsadeen kagana hortageen 67 dagaal yahan oo ka tirsan cadowga Al Shabaab oo ku sugnaa Diindigle iyo Madarshoon, kuwaas oo qorshaynayey in weeraro gaadmo ah ku qaadaan saldhigyada ciidamada difaaca Puntland ee Galgala, Balikhadar iyo Karin, waxayna ciidanka PSF intii hawlgalkani socday ay dileen 13 xubnood oo ka tirsan cadowga Al-shabaab isla mar ahaantaana waxay ciidamadu burburiyeen goobihii ay ururka Al-Shabaab kaga dhuumaalaysanayeen aaggaas.

Ciidamada Amniga Puntland waxay habeen iyo maalin ku hawlan yihiin sidii ay u xaqiijin lahaayeen amniga shacabkooda; waxayna ugu baaqayaan shacabweynaha reer Puntland in ay garabsiiyaan ciidamadoo si kooxaha cadowga ah ay u waayaan goob ay ku nabad galaan.

SAWIRRO