22nd November 2017  admin  Category :

Afartii Sano ee Farmaajo Mucaardka ahaa, ee  uu doonayey inuu qabto xilka uga sareeya Soomaaliya  haduuna u soo diyaar garoobin xilkan ,  waa ku adkaanaysaa in  Afarta sano ee soo socotana inuu wax badan ka  qabto arinta cakiran ee Soomaaliya maanta haysata.

Wadamada Caalamka ee ay ka jirto Dimoqraadiyaddu waxa ka  jira xisbiyo dhowr ah oo midkoodkba  uu dhowrkii sano uu  dalkaaas  hogaamiyo marka uu dorashada ku guulaysto, isaga oo soo magcaaba gole wasiiro  . Halka mucaradkuna iyaguna ay   samaystaan wax loogu yeero Opposition Shadow Cabinet oo ah gole  wasiiro  oo mucaarad ah ,  oo shaqadoodu tahay inay dawladda xilka haysa  la xisaabtamaan. Sidoo kalena marka ay fursad helaan oo ay doorashada kale  ku guulaystaan, ayaa  iyaga oo diyaarsan oo khibrad leh waxay horay uga bilaabaan shaqadooda marka xafiisyadooda fariistaan.

Jabhadihii  ka soo dagaalamay caalamka ee xukunka xooga ku qabsaday ama kula wareegay si farsamaysan  iyaguna iyaga oo diyaarsan  oo dhamaystiran ayeey kuraasta  fariisan jireen. Sharci daro kasta ha ku fariisteene.

Maanta madaxweynaha Soomaaliya Maxamed Cabdulaahi Farmaajo oo lix sano mucaarad soo ahaa waxa ka  muuqata inuuna  u soo diyaar garoobin in qabto xilka madaxweynaha Soomaaliya.

Magcaabidda uu u magcaabay  Ra’iswasaare  gudomiyihii hore ee Soma Oil & Gas oo xiriir iyo wada shaqayn fiican la leh dawladdii ugu musuqmaasaqa badnayd ee  Caalamka ee uu hogaamin jiray Xasan Culusow, waxay daliil u tahay in madaxweyne Farmaao uuna  shaqo guri oo fiican soo qaban iyo inuuna  wada shaqayn fiicana la lahayn mucaardka kale ee Soomaaliyeed iyo aqoonyahanada badan oo maanta horay ka mucaaraday markii uu magcaabay gudoomiyihii hore  Soma Oil & Gas .

Magcaabidda lagu degdegay in gudoomiyihii hore  Soma Oil & Gas  Hassan Ali Kheyre in  loo magcaabo Ra’iswasaaraha Soomaaliya waa sababta keentay in Soomaaliya ilaa hadda aan  loo magcaabin  Gole wasiiro iyada oo ay dalka  ka jirto  abaar iyo masiibo QARAN.

Ugu danbayntii madaxweyne Farmaajo oo afartii sano ee  la soo dhaafay mucaarad ku ahaa  dawladdii Xasan Culusoow iyo dawladdii Sheekh Shariif , ayaa in badan oo ka mid ah Bulshada Soomaaliyeed waxay ka sugayaan in uu la yimaado wuxuu soo diyaarsaday oo dalka Soomaaliya uga saari lahaa dhibtaada ka jirta.

ALLSANAAG.COM

Leave a Reply

Your email address will not be published. Required fields are marked *

*