22nd September 2018  admin  Category :

Haddii  ay reer Puntland waayeen doorasho ah hal qof iyo hal  cod, maxaa diiday in 66 Xildhibaan gacan taag ku codeeyaan.

Dawladda Puntland oo labaatan jirsatay ayaa ku guul daraysatay in bulshada reer Puntland ay gaarsiiso dimoqraadiyad ah in qof kasta oo reer Puntland ah oo qaangaaray uu  si xor ah u codeeyo, una doorto qofka uu doonayo inuu hogaanka u qabto Puntland

Marka ay doorashada madaxweynaha Puntlnd timaado  bisha kowaad ee  afartii sanoba mar, waxa codeeya oo madaxwqeynaha doorta  66 Xildhibaan oo ilaa hadda la aqoon sida ay ku dhisan yihiin. Halka beeli leedahay dhowr iyo sodon xildhibaan, beel kale ee reer Puntland ahina waxay leeyihiin 3 Xildhibaan.

Xildhibaanada qaab dhIsmoodkoodii hore  xumaa,  ayaa waxa ku jira 22 Xildhibaan oo ka soo jeeda Beelaha Dhulbahante iyo Warsangeli oo danaystayaal ah, oo iyagu suga bisha 12aad in Musharaxa ugu  lacagta badani uu afka u buuxiyo.

Tusaale Musharaxiinta sanadka u  oradaya hogaanka Puntland  waxa ka mid ah Siciid Cabdullaahi Deni oo ah siyaasi ay wataan Damuljadiid oo ku doodaya in la gaaray xilligii beesha Cismaan Maxamuud hogaanka qaban lahayd.

Beesha uu ka soo jeedo Deni, ayaa baarlamaanka Puntland ku leh dhowr  Xildhibaan, hase ahaatee  ku xisaabtamaya iyaga iyo Damuljadiid oo Musharaxa wata   Xildhibaanda ka soo jeeda Beelaha Dhulbahante iyo Warsangeli inay maalgashadaan ama laaluushaan , iyaga oo u soo maraya  Xildhibaan Abshir Garaad oo ah xildhibaanka  u qaabilsan   laaluushka xildhibaanada Puntland . Shaqadii ugu danbaysay uu qabtayna ahayd , isaga oo laaluush soo qaaday  maalintii xilka laga qaadayey gudoomiyihii hore ee Baarlamaanka Puntland Siciid Xasan Shire. Abshir wuxuu ka mid ahaa Xildhibaanadii lagu furay baarlamaanka Puntland, Maalintii Cabdulaahi Yuusuf la doortay waa joogay, maalintii Lascaanood la qabsaday waa joogay, maalmihii gudoomiyashii Dalmar ,Yuusuf Siciid iyo Sicii Xasan Gudoominimada laga qaaday waa joogay. Maalintii Maxamed Cabdi Xaashi laga eexday wa joogay

Ugu danbayntii si looga hor tago laaluush la qaato, Garnaqsi lala galo beelaha Dhulbahante iyo Warsangeli oo ah in xildhibaanadoodii ay  laba musharax lacag ka wada qaateen , si aan loogu eedayn xildhibaanada tirada badan ee Majeerteen ee  gaaraya dhowr iyo sodonka inay yihiin qabiilaystayaal u codeeya oo  qura qof ka soo jeeda beesha Majeerteen. Waa in doorashada soo socota ee madaxweynanimada Puntland ee bisha kowaad  lagu qaadaa Gacan Taag. Lacag ku bixi mayso gacan la taagay , laakiinse kalsooni badan oo bulshada dhexdeeda  ayaa abuurmaysa

Allsanaag.com

One thought on “Laaluushka Damuljadiid ama gacan taag

  1. yusuf

    Codka qofka waa private ama waa wax gaar u ah. Aduunka shacabka marka ay codeenayaan waxay galaan meel xiran waana mamnuuc in la arko ama la qisho waxa ay u codeeyeen. Marka xildhibaan gacan taagay wuxuu la mid yahay qof meel camera ku xiran tahay oo loo jeedo qofka wuxuu u codeeyay, meesha uu ka gali lahaa meel xiran oo aan loo jeedin.
    Xildhibaanada wax yaalo kale gacanta waa u taagi karaan laakiin doorasho maya.

    Tan kale Dhulbahante iyo Warsangeli marka la isku daro ma lahan 22 xildhibaan ee waxay leeyihiin 26 xildhibaan. Dhulbahante oo 17 xildhibaan leh iyo Warsangeli oo 9 xildhibaan leh.
    Gobolada Sool iyo Cayn oo 15 xildhibaan ay Dhulbahante ku heleen iyo Sanaag oo ay Dhulbahante 2 xildhibaan ku heleen. 9-ka kale ee gobolka Sanaag waxaa leh Warsangeli. Marka Allsanaag khaladaadka dhabta ah ee jira ka hadla laakiin meel aan waxba ku jirin yaan wax laga raadin.

    Tan halka qof iyo cod ah waa arin fiican Allah hana gaarsiyo, laakiin waxay la imaan doonto ma ogin. Waxaa laga yabaa in la yiraahdo hadhoodii waa lagu shubtay iyo tirakoob been ah ayaa la sameeyay.
    Ani waxaan ogahay oo aan cadeenteeda hayaa in Beelaha kale ee aan Majeerteenka aheen loo sadburiyay tirada xildhibaanada markii Puntland la dhisayay 1998.

    Saciid Dani ma u maleenayo in ay Dam Jadiid lacag siinayaan. Dam Jadiid yeey wax weyn idinla noqon ayaga ayay ka taalaa. Saciid Dani hadii uu Dam jadiid ahaan lahaa Xasan Shiikh oo dam jadiid ah lama uusan tartameen doorashadii madaxweynaha Somaliya February 2007 oo 20 cod oo aan yareen kama leexsadeen. Lacag la isku sharaxo waa loo baahan yahay oo ololaha doorashada lagu galo taasna Saciid Dani wuu heestaa lacag oo waa maal qabeen. Lacag uma baahna.
    Laakiin taas musuqmaasuq ma ahan aduunka dhan ayay ka dhacdaa waa qaarashaadka ololaha doorashada iyo xayeeysiinta.

    Qofkii Kheyr ku jiro Allah madaxweyne haka dhigo koley Allah baa qoray qofka noqonayo madaxweyne. Saciid Dani waa nin ganacsiyo badan abuuray oo ku guuleystay, Qof ganacsiyo badan oo waa weyn maamulay deegaanaa wuu maamuli karaa.
    Amaa Saciid Dani uuba u roonaadaa gobolka Sanaag iyo Puntland oo dhan, ha deg degina Allsanaag niman aqoon leh ayaan idiin aaminsanahay in aad tihiin.

    Wa Bilaahi Towfiiq.

    Reply

Leave a Reply

Your email address will not be published. Required fields are marked *

*