25th June 2018  admin  Category :

Danjiraha Soomaaliya u fadhiya qaramada Midoobay Abuukar Daahir Cismaan ayaa ashtako ka dhan wadanka Isutagga Imaaraadka Carabta u gudbiyay Golaha Ammaanka ee Qaramada Midoobay isagoo sheegay in Imaaraadka Carabta ay ku xadgudubtay qaranimada dalka Soomaaliya.
Danjire Abuukar Baalle oo qudbad u jeediyay golaha ammaanka ayaa ugu horeyntii u mahadceliyay golaha ammaanka iyo madaxweynaha cusub ee golaha ammaanka.

Daawo Aliazera.Safiirka qaramada midoobe Soomaaliya u fadhiya oo Eamaratka dacwo ka gudbiyay asago khubad uu qaraamada midoobe ka jeediyay ku yiri waa in tilaabo laga qadaa faragalinta Emaratka iyadoo jabisay sharciga calaamiga ah.Somaaliya qadan mayso xadgudub 🇸🇴

Slået op af Mohamed Abdikarim i 27. marts 2018

Qudbadiisa oo ka koobneyd saddex bog ayaa waxa uu ku eedeeyay dowlada Imaaraadka Carabta heshiiska ay shirkada DP World la gashay maamulka la magac baxay Somaliland waxana uu sheegay danjiruhu inay tahay xadgudub lagula kacay xornimada iyo madax banaanida dalka Soomaaliya.

“Dowlada Federalka Soomaaliya waxa ay si kulul u cambaareyneysaa xadgudubka lagula kacay waxana ay qaadi doonto wax walba oo ay ku ilaalin karto qaranimadeeda iyo jiritaankeeda.”ayuu yiri danjire Abuukar Baalle.

Qudbadiisa ayuu sidoo kale danijre Abuukar Daahir Cismaan ku sheegay in heshiiska ay Imaaraadka Carabta iyo Maamulka Somaliland ay wadagaleen labo sano kahor taasoo ah in dowlada Imaaraadka Carabta ay saldhig Milatari ka sameysato magaalada Berbera uu xadgudub ku yahay cunoqabataynta saaran dalka Soomaaliya.

Danjire Abuukar Baalle ayaa ugu baaqay Golaha Amaanka ee Qaramada Midoobey in tallaabada lagama maarmaanka ah ka qaataan arrinta saldhigga Milateri ee Imaaraadka carabta ka dhisanayo Berbera, taasoo uu xusay inay caqabad ku noqon karto cunqabateynta hubka ee saaran Soomaaliya.

Sidoo kale Danjire Abuukar Baalle ayaa walaac ka muujiyay khudbadaha Madaxda UNSOM ka jeediyaan shirarka arrimaha siyaasadda, kaasoo uu ku sheegay inay si qaldan uga hadlaan arrimaha Soomaaliya.

Waxaa uu sheegay in Madaxda UNSOM looga baahan yahay inay qaataan mas’uuliyadooda, si waafaqsan waajibaadkooda, isla markaana ka fogaadaan dareenada siyaasadeed ee jira.

Ugu dambeyntii safiirka Soomaaliya ee Qaramada Midoobay ayaa waxa uu u mahadceliyay qaramada midoobay dadaalka ay ugu jirto sidii dalka Soomaaliya uu horumar ugu tallaabsan lahaa.

SOMALIDU QAB IYO KIBIR MIDNA QAADENMEYSO :

Slået op af Said Shiinle i 27. marts 2018

Leave a Reply

Your email address will not be published. Required fields are marked *

*