Madaxweynaha Dawlada Puntland CabdiRaxmaan Maxamed Faroole ayaa maanta waraysi uu bixiyey  ku sheegay in  amaan daro ka jirta Degaanada  Galgala,hase ahaatee aan soo hadal qaadin Madaafiicda ka soo dhaca dhinaca Koonfureed ee Magaalada  Gaalkacayo ,  Xaafad Barxley kuwaas oo ay ku naf waayeen Dumar iyo Caruur aan waxba galabsan ,Madaxweynuhu sidoo kale wuxuuna ka hadlin Lacaga gaaraysay 15 Milyan oo Doolar  oo loogu dhisi lahaa Degaanada  Puntland Xarun ah la dagaalanka budhcad badeeda,hase ahaatee ay ka hor istaageen qaar ka mid ah Golaha wasiirada ee  Dawlada Cumar Cabdirashiid,iyada oo xaruntaas hada laga dhisayo Jabuuti oo ay wax ka baranayaan Arday Reer  jabuutiyaan,ka shaqaynayaan Jabuutiyaan,Maraakiibta ka shaqaynaysa  Jabuutiyaan Macalimiinta Jabuutiyaan lagana shaqaalaysiinayo kumaakun qof.

Madaxweynahu wuxuu sheegay in ay Odayaasha Sanaag Bari( waa magac cusub) ka war sugayaan hadayse wax ka qaban waayaan, inay u  isticmaali doonaan Xoog Degaanka  Galgala ,halka Madaxda gobolka Mudug ay maanta  ka sheegeen BBcda  in walaalahooda Gal Mudug ay ugu yeerayaan nabada oo iyagu gogosha u fidiyeen iyaga oo haba yaraatee wax handadaad ah  daba dhigin oo hadalku ahaa Walaalayaaloow.

Madaxweynahu Puntland oo aan looga baran hadaladan hanjabaadu ku jirto ayaa Dadka qaarkii is waydiinayaan, Ciidankan Puntland oo  Gal gala oo nabad ah u socdaa xagee jireen Maalmo ka hor Markii Garaadada  Harti la dul keenay Jabhadii SNM. 

Ugu danbayntii Madaxweyne Gal gala waxay u baahan tahay is fahan iyo wada hadal iyo in meel looga soo wada jeesto wixii nabada wax u dhimaya meel kasta ha ka  joogeen Puntaland ,hadiise aad bilowday hub ka dhigis aad ku samaynayso Beelaha Puntaland waa wax fiican in hubka la ururiyo  , hase ahaatee   si aad u hesho kalsoonida  shacabka Puntland  hub ka dhigista ka bilow Beeshaada oo ah Tan beelaha Puntland ugu hubka badan.

Allsanaag.com Runta kama gabano,meeshii Mugdiyana anagaa ifina