Maansadani waxay ku saabsantahay geedka layiraahdo qaadka oo ah bahal lagu ibtileeyey  Inta badan ummada soomaaliyeed dhaqaalihiisuna uu galo cadowga ummada islaamka ah  Waxaana curiyey Abwaan sh.mursal  Siciid cali [waraabe].

Wuxuuna ku bilaabmay sidan.

• Ragoow qaadku waa qaad
• Waa qaatay kii cunay
• Qabri weli ma uu gelin
• Qiyaamana ma uu tegin
• Ifka qiime kuma laha
• Maqadariyo aadmigu
• Qaraabiyo walaal iyo
• Qoys iyo carruur iyo
• Mayaqaano qaar kale
• Waaluuna qoran yahay
• Qaxar iyo wareer iyo
• Qayliyo sawaxan iyo
• Qatar buu ku noolyahay
• Qoomamana kamuu baxo
• Hurdadiisu waa qaraw
• Qadadiyo quraacdiyo
• Quudka saani uma cuno
• Wax qalala calooshiyo
• Qabsinkiyo mindhicirada
• Qaliinkuna wax kama taro
• Cad qonbobay dib uma coyo
• Halboolaha qarsoonee
• Ku qotoma wadnaha iyo
• Inta xidid u qaybsani
• Dhiiga saani uma qubo
• Qanjidhada shaqeeyee
• Dheecaanka qaadiyo
• Feedhaha qaloocaa
• Qaaxuu u halis yahay
• Sida qaabka xoolaha
• Kii qaayibaayaa
• Qabcadiyo caleentiyo
• May qudhaca diirtaan
• Duulkii qadhaaadh jeceli
• May dacarta qooshtaan
• Qandhaday dawaysiyo
• Qaadiro la,aan iyo
• Qarashkoo u baaqdaa
• Dhirta qaybaheediyo
• Laga heli qadoontee
• Qorya quutayaashiyo
• Kuwa qaaca lagu falay
• Qoraxdoo dhacaysiyo
• Markuu qamarku daahiro
• Qarxis iyo jabane iyo
• Shaah qalalab leeyiyo
• Sheeko qiimi daran iyo
• Quuq quuq madaayaan
• Jidhkoodaa qalfoofoo
• Indhahaa qayiranoo
• Qawlaladaa cadaadoo
• Qawadbaa ku dhacaoo
• Miskahaa qalqala oo
• Macdantaa ka qubatoo
• Kaadidaa qulquliyoo
• Ilkihii qurxoonaa
• Qotadaa dhamaatoo
• Qosol wuxuu ku ruugaba
• Qiiraw danbaysee
• Qolqoladuu fadhiistiyo
• Halka qaadka lagu cuno
• Qashin kama dhamaadoo
• Maqubayso dhawr bari
• Qaadir kama  cabsado oo
• Ma qiimeeyo diintoo
• Salaadoo laqiimuu
• Qotomaa halkiisoo
• Jamac uma qorshaysnoo
• Qub qub inuu kasiiyiyo
• Inuu qaadacaw furan
• Intee qoys ku baaba,ay
• Biil loo qabsadayoo
• Guri laga qufulayoo
• Qaxootiga kaliitoo
• Qabawgiyo kulaylaha
• Qaxootiga kaliitoo
• Ka qadhaabta suuqoo
• Aabihiina qaad iyo
• Kooke uu qudh qudhiyiyo
• Laan uu qaniiniyo
• Qaaciga dhagaystaa
• Arintaas qof joogoow
• Ma qisaa inoo dhiman
• Ragii hore u qabatimay
• Buunbaa ku qayshaye
• Ka hadeer u qaabane
• Nadalada qaniinoow
• Qamaadin iyo bohol iyo
• Qarbaad taagan tahayoo
• Qusur baad ku socotaa
• Anoo hadalka kuu qalay
• Qurub qurub u kala dhigay
• Woow qaylo kama foga
• Balmar uun isdaba qabo

MURSAL SICIID CALI WARAABE ( XINGALOOL ).

abuuharun@hotmail.com